La Lei 1/98 de 23 de marzu, d’usu ya promoción del asturianu, que forma parte del nuesu Estatutu d’Autonomía, di de la toponimia no sou artículu 15 lo siguiente, ya cito textualmente:

Artículu 15.-Topónimos

1. Los topónimos de la Comunidá Autónoma del Principáu d’Asturias han tener el nome oficial na súa forma tradicional. (…)
2. D’alcuerdu conos procedimientos que se determinen reglamentariamente, correspuende al Conseyu de Gobiernu, col dictame previu de la Xunta de Toponimia del Principáu d’Asturies ya ensin prexuiciu de las competencias conceyeras ya estatales, determinar los topónimos de la Comunidá Autónoma.

Pos bien, no 2004 constitúise la Xunta Asesora de Toponimia ya celébrase la súa primer sesión de trabayu en mayu d’esi añu. D’entós p’acó protagoniza, xunto conos distintos Conceyos d’Asturias, un l.labor históricu al cumplir l’obxectivu de convertir n’oficiales, tres un trabayu de campu bien documentáu nos testimuños de los habitantes de los distintos pueblos asturianos, los topónimos tradicionales ya auténticos d’Asturias:

• Información sobre toponimia na web de la DIRECCIÓN XENERAL DE POLÍTICA LLINGÜISTICA

Decretu d'oficialización toponímica de Cangas del Narcea (pdf, 163 Kb)

• Publicación del decretu nel BOPA del 16 de setiembre del 2008