Ayuntamiento Cangas del Narcea 

• DATOS YA HISTORIA :
• INFO. CONCEYU

EL CONCEYU

Cangas del Narcea ta na zona suroccidental d'Asturias ya tien 823 km., cono que yá'l conceyu más grande d'Asturias ya unu de los mayores d'España. El sou relieve yá montañosu, lo que fai que'l paisaxe sea variáu. Al tar na conca alta del ríu Narcea, con muitas fontes d'auguas rápidas, cunta con muitos val.les. El picu más altu del conceyu yá El Cuetu d'Arbas (2.700 m), n'El Puertu (vía principal de comunicación ente Cangas ya L.lión), anque hai tamién outros picos importantes cumo El Cabril (1925 m).

Cangas del Narcea yá tamién unu de los conceyos más importantes d'Asturias no que tien que ver cona riqueza artística ya'l padremuñu ecolóxicu, con especies protexidas yá a puntu saparcer, cumo l'osu pardu, la l.lóndriga ou'l feisán, ya espacios naturales tan impresionantes cumo la Reserva Natural de Muniel.los ou'l Parque Natural Fontes del Narcea. 

La población ta esparcida en l.lugares pequenos, ande tán conservaos los elementos artísticos más importantes (ilesias, ermitas, tayas románicas ya góticas...), ya muestras d'arquitectura popular desde au se pueden ver guapos paisaxes.             

Superficie: 825, 44 km²      

Habitantes: 15.127 (1 de xineiru 2007)

Capital: Cangas del Narcea

Núcleos de población: 285 l.lugares, ente el.los: Courias, Xedré, Pousada de Rengos, Mual, Xichón, Xinestosu, Bisuyu, Carbachu ya Tubongu.

Fronteras:  N: Ayande ya Tinéu; S: Ibias, Degaña ya L.lión; E: Somiedu ya Tinéu; O: Ibias ya Ayande.

Ríos: Narcea, Muniel.los, Abanceña, Cibea, Naviegu, Ounón, Mieldes, Arganza ya Antráu.

Accesu: Pola N-634 dirección Galicia, con dous desvíos: unu antes de Corniana, pola AS-15, ya outru dende La Espina, dirección El Cruceru, pa empalmar outra vez cona AS-15. Dende L.lión viense por Vil.lablinu (AS-213), al traviés de Brañas/Leitariegos ou pola AS-15, que pasa por Degaña.   

Economía: El carbón, anque ta yendo p'atrás nestos años, yá parte importante de la economía canguesa, ande la pruducción d'antracita yá cuasi dafeitu pa la central térmica de Soutu. Espuéis taría la ganadería, porque Cangas yá'l principal productor de carne de la raza Asturiana de los Val.les. Tamién yá importante la producción vitivinícola (Indi. Xeográfica Protexida) con un importante resurdimiendu nos últimos años, ya'l sector servicios, por ser Cangas destín turísticu de muitos que ven na naturaleza un sitiu d'ociu.