Ayuntamiento Cangas del Narcea 

Concejalía de Cultura del Ayuntamiento de Narcea
La Asturias por descubrir

 Casa Municipal de Cultura "Palacio Omaña"

Pza. Mayor 33800 Cangas del Narcea

Tlfn: 985817089 - 985812617

Fax: 985813390

Concejalía de Cultura

Viernes 30 de Julio de 2010
Busca en los contenidos de la web

 

Está viendo: 

Servicio de Normalización L.lingüística del Asturianu

El Serviciu de Normalización L.lingüística del Conceyu de  Cangas yía l'organismu encargáu  de garantizar l'usu del asturianu cumo l.lingua vehicular en cualquier tipu de comunicación pública ou privada ente las Alministraciones Públicas del Conceyu ya la súa ciudadanía, na mayor parte los casos falante d'esta l.lingua; ya, tamién, de promover el sou usu ente distintos sectores del Conceyu: hostelería, comerciu, educación... porque, a la fin, esta yía la única midida que puede garantizar la pervivencia del nuesu padremuñu, la súa presencia cumo forma de comunicación viva ya plena.

Dalgunos de los puntos fundamentales dientro de las responsabilidades del Serviciu de Normalización son:

• Ser parte activa del procesu de normalización toponímica, dar a conocer la nuesa toponimia ya garantizar  ente   la xente'l sou usu porque a la fin esto siempre foi lo que se dixo, anque nun se respetara hasta'l momentu, ya yía lo tradicional, lo auténtico, pa faelo vamos dir renovando la señalética hasta garantizar la súa presencia en tódolos rótulos de carreteras, mapas, ya documentos públicos de cualquier clas.

• Traducir tódolos documentos públicos ya privaos con repercusión no Conceyu ya garantizar el bilingüismu equilibráu na Alministración Pública, tal ya cumo vien estipulao nas Ordenanzas aprobadas en Plenu por esti Conceyu.

 

• Garantizar la presencia institucional del asturianu no Conceyu, dende rotulación hasta publicidá... tamién, tal ya cumo vien estipulao nas Ordenanzas aprobadas en Plenu por esti Conceyu.

• Faer del asturianu un componente tresversal dientro de los distintos aspectos que xestiona un Conceyu.

• Faer campañas ente distintos sectores de la población pa promover l'usu del asturianu ente los mesmos: empresas hosteleras, comerciantes, asociaciones... ya ciudadanía en xeneral.

• Informar ya tramitar las subvenciones qu'en relación al usu del asturianu saca cada anu la Conseyeiría de Cultura ya Turismu.

• Dignificar l'usu del asturianu hasta acabar cona diglosia.

Esti yía a grandes rasgos el faer d'un Serviciu de Normalización, l'ambición yía grande ya l'obxectivu lexítimu, anque non siempre fácil, poner al asturianu cumo l.lingua de la población asturiana na situación que merez, la que lu equipara cumo l.lingua al español (cono que convive n'Asturias) ya non la que lu fai subsidiariu del mesmu, porque la l.lingua asturiana yía'l bien cultural más importante que tenemos ya la súa perda sería un mal irreparable.

Cualquier asociación ou particular que quiera puede ponese en contactu cono serviciu, bien por teléfanu, l.lamando al 985810560, bien por corréu electrónicu: , ou bien en persona, pasando pola Axencia de Desarrollu del Conceyu de Cangas del Narcea de l.lunes a vienres de 8:00 a 15:00 hrs.