Ayuntamiento Cangas del Narcea 

Güei, 2 d'agostu, empicipiánonse yá oficialmente en Cangas los cursos de la UABRA (Universidá Asturiana de Branu), gracias al alcuerdu robláu ente l'ALLA (Academia de la Llingua Asturiana), la Universidá d'Uvieo ya'l Conceyu Cangas. No actu de presentación no IES de Cangas del Narcea, sede yá permanente dende esta décimo-octava edición d'estos cursos formativos,  cuntamos cumo nun podía ser d'outra manera cona intervención de numarosas autoridades, ente el.las, el Conseyeiru d'Educación, José Luis Iglesias Riopedre; l'Alcalde de Cangas del Narcea, José Manuel Martínez; la Conceyala d'Educación ya Cultura del Conceyu Cangas, Bibiana Martínez; la Presidenta de l'ALLA, Ana María Cano; el Director ya'l Secretariu de la UABRA, Xosé Antón González Riaño ya Pablo Xuan Manzano Rodríguez, respectivamente. Todos el.los manifestanon una satisfacción bien fonda énte l'afrontamientu d'esti proyectu nuevu ya apasionante, ya falanon d'esti l.labor formativu cumo necesariu  pa que la l.lingua ya la cultura asturiana de la que somos hariedes alcance'l reconocimientu que garantice la súa pervivencia cumo parte bien importante del padremuñu inmaterial de la humanidá ya seña identitaria del nuesu pueblu.

Los cursos, destinaos a la formación ya especialización  en materia de l.lingua asturiana ya al conocimientu de la realidá social de la nuesa tierra,  pondránse en Cangas ente güei ya'l día13 d'agostu ya la parte formativa vei ir acompañada d'una bona riestra d'actividades culturales abiertas a tola sociedá canguesa. Güei, empiciando cona inauguración d'estas actividades, presentóuse na Casa la Cultura de Cangas del Narcea Palaciu d'Oumaña la exposición d'Adolfo Manzano, Pequeñes nubes nel cielu, nel xardín xuxurios, qu'en palabras del artista pretende reflexar al xardín cumo espaciu ande confluyen lo público ya lo privao a traviés de las distintas formas de materialización de la vida ya la muerte.

 

Más información:
www.academiadelallingua.com/comun.php?seccion=cursos

ACADEMIA DE LA LLINGUA ASTURIANA