La Feria del stock organizada por ACOAGA (Asociación de Comerciantes Autónomos Outlets Gal.legos) en colaboración cono Conceyu de Cangas del Narcea vei celebrase’l fin de sumana del 18, 19, ya 20 de mayu no polideportivu de la vil.la.

Nesta feria van poder participar tódolos comercios cangueses interesaos, que van tener de plazu hasta’l martes 8 de mayu pa fer la súa preinscripción na Axencia de Desenvolvimientu del Conceyu, bien de manera presencial, telefónica, al traviés del númaru siguiente: 985 810 560 ou por corréu electrónicu: carmenadl@ayto-cnarcea.es.

Esti eventu comercial vei tar abiertu al públicu dende’l vienres 18 de mayu a las 17:00 horas, hasta’l domingu 20 a las 21:00 horas ya nél van dase cita comercios especializaos en productos diferentes. Con esta iniciativa l’Ayuntamientu espera potenciar el consumu no comerciu ya la hostelería de la zona ya atraer visitantes al conceyu.