Obras rurales de alumbrado y pavimentación en La Castañal y Paraxas - ayto-cangasdelnarcea
Obras rurales d'al.lumáu ya pavimentación en La Castañal ya Paraxas
L'alcalde de Cangas del Narcea, José Luis Fontaniella, anuncióu la puesta en marcha del al.lumáu públicu no pueblu cangués de La Castañal, tal ya cumo yá se fixera no l.lugar de Parrondu, ya con financiación dafeitu del conceyu.
L'obxectivu esencial asumíu por esti alcalde yá dotar d'al.lumáu públicu a los 15 l.lugares del conceyu de Cangas que siguen sin tenelu, tratando de faer políticas sociales económicas ya d'inversión na población rural que l.lieva esqueicida muitos años.
L'alcalde tamién aprovechóu p'acudir al pueblu de L.lourante, que nun tien suministru d'augua suficiente pa los sous vecinos, ya comprometíuse a solucionalo arréu. Fontaniella reiteróu que vei siguir desenvolviendo actuaciones qu'ayuden a meyorar la calidá de vida de los vecinos de la zona rural con servicios esenciales cumo la l.luz pública, los caminos ya l'augua, cumpliendo asina cona prioridá absoluta d'esti equipu de gobiernu de meyorar las infraestructuras básicas que contribúin al mantenimientu ya desenvolvimientu de los pueblos del conceyu ya poder acabar esta lexislatura con al.lumáu públicu ya serviciu d'augua en cuasi tódolos núcleos rurales.