El Ilmu. Conceyu de Cangas del Narcea abre un periodu de presentación de solicitudes pa la instalación de carpa ya barra de bar durante la XXX Muestra Ganadera de la Raza Asturiana de los Val.les de Cangas del Narcea. Las personas interesadas deben presentar la solicitú nel Rexistru Xeneral del Conceyu de Cangas del Narcea antias de las 14 horas del miércoles 30 de setiembre del 2015. La solicitú citada debe ir acompañada de la documentación siguiente:

• DNI de la persona solicitante ou de l'apoderada

• Declaración xurada de la persona solicitante na que se fagan constar los extremos siguientes:

 ¿ Que xunta los requisitos legalmente establecíos pal exerciciu de l'actividá de bar ou similar.

¿ Que yía'l titular de l'actividá d'esi establecimientu.

• Compromisu d'abonu de la tasa pol usu ya aprovechamientu de los bienes ya instalaciones del conceyu del recintu ferial ya polos servicios inherentes, regulada na ordenanza fiscal nu 38, nel supuestu de resultar la persona adxudicataria.

Nel supuestu d'una solicitú única adxudicaráse directamente la ocupación por resolución d'Alcaldía. No casu d'existir varias solicitudes, vei faese un sortéu públicu na Sala de Plenos del Conceyu'l miércoles 30 de setiembre de 2015, a las 14:30 horas.

Condiciones Especiales de la ocupación

• Fechas: 2, 3 ya 4 d'outubre del 2015.

• Instalación de carpa de mínimu 50 metros cuadraos equipada con mobiliariu adecuáu pa la prestación del serviciu de bar, amás de con certificáu d'instalación emitíu pol técnicu competente ya seguru de responsabilidá civil.