La Conseyería d’Economía ya Empléu del Principáu d’Asturias tien abiertu’l plazu pa solicitar una subvención destinada a la modernización del comerciu pequenu ya medianu ya outra pal usu de fontes d’enerxía renovables.

La subvención pa la modernización del comerciu pequenu ya medianu inclúi linias d’actuación diferentes, ente el.las, la renovación de la imaxe del establecimientu comercial, la incorporación de las tecnoloxía nuevas ya la innovación ou la meyora de la calidá del serviciu. Ente los requisitos esixíos pa optar a la súa solicitú, la empresa debe tener una antigüedá mínima de tres años en dalguna actividá comercial subvencionable. L’ayuda puede subvencionar d’un 50% a un 90% dependiendo de las actuaciones que se faigan. El plazu de presentación de solicitudes acaba’l 10 d’outubre.

La subvención pol usu de fontes d’enerxía renovables diríxise a empresas privadas, particulares ya instituciones sin ánimu de lucru. Las actuaciones qu’inclúi son l’usu de biomasa, de sistemas xeotérmicos, d’enerxía solar fotovoltaica aislada ya de minihidráulica, microhidráulica ya minieólica destinadas al autoabastecimientu enerxéticu. El plazu de presentación de solicitú d’esta ayuda vei tar abiertu hasta’l 13 d’outubre.

Pueden alcontrar información de las subvenciones no documentu qu’axuntamos.