Cangas del Narcea acói la edición trenta del Concursu Subasta Nacional de la Raza Asturiana de los Val.les, que se celebrará no recintu ferial de La Imera ente'l 27 ya'l 30 d'abril de 2017.

Esti certame ganadeiru yá'l más importante tanto dientro d'esta raza cumo d'outras razas bovinas de producción cárnica.

A la par del certame, desenvolveráse, no propiu recintu ferial, una muestra d'artesanía'l sábadu ya'l domingu (29 ya 30 d'abril), que vei cuntar cona presencia d'una ventena d'artesanas/os del sector de l'alimentación ya l'artesanía.

P'acabar, nestos días, la Xunta d'Hostelería del Conceyu Cangas, organiza las Xornadas Gastronómicas del Xatu Asturianu, el vinu DOP Cangas ya'l pan de Cangas del Narcea.