Asitiáu a 24 km de Cangas del Narcea, yá unu de los poucos sitios d'Asturias que sigue fadiendo cerámica negra.

La tradición alfarera de L.lamas del Mouru touvo'l sou períodu d'esplendor nos años 30 ya tresmitíuse de padres a fíos no mesmu estáu que no sou orixe, arriqueciéndola nas súas formas con cada xeneración nueva, sin perder nin un poucu del sou encantu.

Esta cerámica singular yá apreciada non namás pola guapura de la súa talla exclusiva ya'l sou color particular, senón tamién polas súas extraordinarias cualidades de resistencia ya conservación d'alimentos.

El secretu de la súa elaboración consiste nuna gran minuciosidá ya destreza pa la bona selección de los materiales ya una paciencia inagotable no sou procesu d'elaboración. Usan dous tipos de barru, el claru ya'l ¿coloráu¿ pa sacar la mezcla óptima que dea bon resultáu al moldear ya cocer.

Durante cualisquier época del añu yá posible visitar el taller, con esplicaciones sobre los métodos usaos pa consiguir esta cerámica singular. 

• L.lugar: L.lamas del Mouru (Cangas del Narcea)
• Distancia con capital de conceyu: 24 km
• Web: www.ceramicanegraasturias.com
• e-mail: info@ceramicanegraasturias.com
• Teléfonos: 985 921 235 - 659 910 091
• Facebook: @Cerámica Negra de Llamas del Mouro

Esti centru d'artesanía asítiase a unos 15 km de Cangas del Narcea, no l.lugar de Pambléi.

La Fábrica de Madreñas Virgen de los Remedios consiguíu conservar unu de los oficios más antiguos d'Asturias. Madreñas, castañuelas, cestas, cayaos ou muletas ente outros obxectos, son fabricaos de forma artesanal, escoyendo las meyores piezas de madera ya tallando las súas formas cumo manda la tradición.

L'augua avezada n'Asturias propiciaba caleyas. Caminos embarraos que xunto conos praos inundaos ya una orografía cuesta ya mala fadían indispensable l'usu d'esti calzáu tradicional.
Las maderas empleadas na súa fabricación son l'abedur, el pládanu ya la faya, ente outras, pola súa resistencia ya bona calidá.

Las madreñas actuales son el resultáu de la evolución de la madreña antigua d'escarpín, que se calzaba con calcetos gordos; permitían ya permiten mantener los pías calientes ya guardaos del clima asturianu, fríu ya húmedu; distinguíanse polos adornos diferentes ya espléndidos sigún fosen pa muyer (con pica afilada p'afuera) ou pa home (con pica recortada).

Yá ésta una costume arraigada n'Asturias ya qu'alcontra nesta zona una de las súas formas más propias.

• L.lugar: Pambléi (Cangas del Narcea)
• Distancia con capital de conceyu: 19 km
• Contactu:  659 68 84 17 / 985 81 50 66