Hasta’l 16 d’abril los vecinos del conceyu pueden solicitar los desbroces na Casa Conceyu

El Conceyu de Cangas del Narcea ta trabayando pa faer un calandariu de desbroces de caminos públicos no conceyu. Pa faer estos l.labores de forma más eficiente ya rentable, los vecinos interesaos tendrán de presentar las solicitudes de desbroces de caminos públicos no Rexistru Xeneral d’Entrada de Documentos de la Casa Conceyu. El plazu pa faer esta solicitú ta abiertu ya mantendráse asina hasta’l día 16 d’abril, incluíu.

El requisitu únicu que tienen de cumplir las solicitudes yá tar firmadas pol/a vistor/a ou representante del pueblu correspondiente ya tar aprobadas pola mayoría de los vecinos del l.lugar. Amás, aconséyase que na solicitú s’indique la existencia ou non d’un motivu particular que fixera conveniente que’l desbroce se fixera nuna fecha concreta, por poner por casu: la celebración de las fiestas del pueblu.