Fiestas y tradiciones

XINEIRU

  • Fiesta de San Tisu. Primer fiesta del añu, que tien por finalidá trastiar el vinu nuevu. Celébrase a finales de xineiru no barriu de San Tisu, ande s'asitia'l Muséu del Vinu de Cangas. Hai desfile de la Cofradía del Vinu de Cangas, misa, procesión, xanta ya bail.le.

FEBREIRU

  • Antroiru. Concursos de disfraces ya Xornadas Gastronómicas con platos típicos de la temporada.

ABRIL

  • Concursu Subasta Nacional de Raza Asturiana de los Val.les. Esti certame tan importante faise no últimu fin de sumana del mes ya axunta a los meyores exemplares d'esta raza, amás de cuntar con un desfile de campeones nacionales.
  • Xornadas Gastronómicas de Xata Roxa. Coincidiendo cono certame ganadeiru, la Xunta d'Hostelería del Conceyu ufierta una degustación de platos cocinaos con carne de la IXP “Xata Roxa”.
  • Feria d'Artesanía. Actividá complementaria al certame gandeiru, ande se dan cita muitos artesanos de Cangas, amás d'Asturias ya comunidades conas que raya.
  • Fiesta de la Fumaza (Bisuyu). Celébrase na nueite del sábadu de Pascua. Yá una fiesta tradicional ande se xunta la cultura relixosa ya la cultura pagana ya que consiste no prendíu d'una foguera grande, al que sigue un repartu de velas que van ser bendecidas pol sacerdote. Espuéis de la misa de vixilia las campanas de la ilesia repican, repártese'l bol.lu ya empicipia'l bail.le.

XUNU

  • Narcenatur, Caza, Pesca ya Naturaleza. En Clave Natural. Cunta con actividades cumo la Copa Narcea de Perros de Rastru ya'l Troféu Narcenatur de tiru al platu. Celébrase a principios de xunu.
  • Cangas de Pinchos. Eventu gastronómico no que participan establecimientos d'hostelería diferentes de la vil.la canguesa, ufiertando los sous meyores pinchos ya premiando mediante sortéu a los sous clientes. Principios de xunu.
  • Romería de Santarvás. Fiesta tradicional celebrada nel aria recreativa de Santarvás cada 19 de xunu.
  • Fiesta "L'Arbolón". La nueite del 28 de xunu plántase un árbol enfrente la ermita del Carme, que yá l.leváu al hombru polos rapaces dende'l l.lugar nel que se corta.
  • Concursu Morfolóxicu Ecuestre Ecunarcea. Celébrase no Recintu Ferial de La Imera'l 16 ya'l 17 de xunu.

SANTAMARINA

  • Fiestas del Carme ya la Madalena. La Descarga. Del 14 al 22. Fiestas d'Interés Turísticu d'Asturias, ande las penas ya la pólvora son los máximos protagonistas, con grandes espectáculos pirotécnicos. L'actu central faise na tarde del día 16 con LA DESCARGA, cuando n'honor a la Virxe del Carme dispáranse miles de voladores a la vez no cielu de la vil.la.
  • Romería d'El Prau del Molín. Romería tradicional que se celebra'l fin de sumana anterior a las fiestas, marcando'l principiu de las mesmas. Bail.les folklóricos, xuegos ya diversión.

AGOSTU

  • Fiestas del Cristu de Puchanca (Cibuyu). Fiesta tradicional. Principios de mes.
  • Romería de Los Cadavales (Ridera). Romería tradicional no monte de Los Cadavales. Primer sábadu d'agostu.
  • Mercáu Tradicional de Pousada de Rengos. Recreación de mercáu tradicional n'onde, amás de comprar tódolos productos necesarios, comíase ya l.lapábase ya celebrábase cumo un día de fiesta verdadeiru.
  • Fiestas de Nuesa Señora (Carbachu). Fiesta tradicional. 14 ya 15.
  • Fiestas de Nuesa Señora ya San Roque (Courias). Fiestas tradicionales con actividades lúdicas, ente las que destaca'l descensu folkóricu del Narcea, la “queima del diablu” tradicional ya los fueos artificiales. Del 14 al 16.
  • Fiestas de Las Veigas (Bisuyu). Fiestas tradicionales con muitas actividades ya grandes descargas de voladores. Del 14 al 16.
  • Romería de San L.luis del Monte (Pousada de Rengos). Romería tradicional que se celebra nos alredores de la ermita de San L.luis. 2ª quincena d'agostu.
  • Romería de San Pelayo (Combarru). Romería tradicional que se celebra nos alredores de la ermita de San Pelayo.
  • Fiestas de San Xuan Degol.láu (Oubachu). Fiestas tradicionales con música folk, teatru popular ya diversidá d'actividades lúdicas. Finales de mes.
  • Romería de La Pilarina. Romería tradicional que se celebra no entornu de la ermita de La Pilarina. Domingu últimu d'agostu.
  • Fiesta de La Fortuna (Aria recreativa de Santarvás). Romería tradicional. Finales de mes.

SETIEMBRE

  • Fiestas de San Ramón (Chanu). Fiesta tradicional. Principios de setiembre.
  • Romería de Nuesa Señora L’Acebu (Santuariu de L'Acebu). El 8 de setiembre celébrase esta romería de tradición arraigada. Dende las horas primeras de la mañena van concentrándose no l.lugar romeiros a cientos vinientes de toda la comarca. La xente de Cangas ya'l sou conceyu vei cumpliendo dalguna ufierta, andando monte arriba. A la hora de la xanta tódolos alredores del santuariu tapízanse de mantas ya manteles coloríos con bonas meriendas. Los vaqueiros sienten especial apegu por esta virxe, de feitu esta romería marcaba antano'l final de l'alzada.
  • Fiestas del Ecce Homo (La Riela). Fiesta tradicional. Primer quincena de setiembre.

OUTUBRE

  • Fiesta de la Vendimia. Las cal.les céntricas de la vil.la chénanse de puestos d'artesanía, productos tradicionales ya, sobre todo, del productu de las bodegas de Vinu de Calidá de Cangas. La escenificación del tresporte de la uva nun carru del país ya la “pisada d'uva” tradicional son dalgunos de los sous actos principales. Celébrase alredor de la Ponte del Pilar.

DICIEMBRE/EL MES MUERTU

  • Xornadas Gastronómicas de la Caza ya'l Vinu de Cangas. La degustación de la caza yá'l motivu principal d'estas xornadas destacando'l xabaril nas súas modalidades distintas, anque propias de la zona, cumo: fabas con xabaril, cachopinos de xabaril rel.lenos de queisu de Xinestosu, pastel de caza, chuletinas de corzu con puré de mazana ya salsa d'arándanos, perdiz con verdura ou puding de castañas. Celébranse na ponte de la Constitución.
  • Fiestas de Santa Bárbora. N'honor a la patrona de los mineiros. El día 4 faise la procesión nocturna de Santa Bárbora polas cal.les de Cangas, cona participación de mineiros vestíos con l.lámparas, tamién hai una ufierta floral, descarga ya misa.