Concursu de cuentos n'asturianu Otilio Álvarez Rodríguez

BASES DEL VII CONCURSU DE CUENTOS N'ASTURIANU OTILIO ÁLVAREZ RODRÍGUEZ

  • Pueden participar tódalas personas matriculadas nos cursos de quintu ya sestu de primaria de  dalgunu de los centros educativos de Cangas del Narcea. Cada participante puede presentar una obra namái,  na variante occidental de la l.lingua ou na estándar.
  • Han  premiase aquel.las obras inéditas qu'a xuiciu del xuráu sean d'un valir literariu mayor.
  • La temática ía l.libre ya'l relatu ha  tener d'extensión dúas fueas cumo mínimo ya cinco a lo máximo, con  presentación en DIN A4.
  • La obra vei presentase manuscrita.
  • Las obras nun van volvese a las personas participantes.
  • Las obras presentadas van ser expuestas ya usadas pol Conceyu en campañas de normalización social.
  • Las obras premiadas van publicase na páxina web del Conceyu de Cangas del Narcea.
  • Ha  premiase con tres lotes de l.libros ya material a los ganadores del concursu.
  • Los trabayos han presentase presencialmente  no Serviciu de  Normalización  L.lingüística (Casa la Cultura 'Palaciu d'Oumaña', La Plaza la Oliva, s/n, 33800, Cangas de Narcea) ou por corréu certificáu a la mesma dirección primeiro del 27 d'abril del 2015. Pídese a los maestros, qu'a ser posible, manden las obras participantes nun sobre por escuela, nél,  meteráse cadaguna de las obras presentadas firmada cono pseudónimu del autor/a ya, aparte,  outru sobre cerráu  con una fuea ande se detallen los datos riales del alumnáu que se presenta al concursu.
  •  El xuráu vei tar formáu por varias personas con cargos públicos no Conceyu de Cangas del Narcea: Marta Fernández Álvarez, Conceyala d'Educación ya Cultura del Conceyu Cangas; Rosa Caballero Martínez, técnica de la Oficina d'Información a la Mocedá; Mónica Rodríguez Riesgo, responsable del Serviciu de Normalización  L.lingüística del Conceyu Cangas, Noelia Rodríguez Menéndez, coordinadora del Aria de Cultura del Conceyu ya Julia Gallego Murias, bibliotecaria del Conceyu Cangas.
  •  Del resultáu del xuráu ha comunicase a las personas interesadas por carta ya/ou teléfonu con una sumana d'antelación a los actos previstos.
  • Los premios otorgaránse a los premiaos nun actu públicu organizáu pol Serviciu de Normalización l.lingüística con motivu de la celebración de la sumana de las L.letras Asturianas.
  • Participar nesta convocatoria supón l'aceptación de las bases.