Campaña nueva del Serviciu de Normalización L.lingüística

Campaña nueva del Serviciu de Normalización L.lingüística

El Serviciu de Normalización L.lingüística ta acabante presentar una campaña nueva de dignificación de la l.lingua asturiana.

La campaña propuesta, diseñada pola empresa asturiana Signum, consiste nuna serie de trés imanes con conseyos prácticos sobre l.laváu ya conservación de la roupa, siempre en términos de sostenibilidá ambiental, tal ya cumo reconoz la conceyala del aria, Carmen Riesco Combarro.

El primer ya'l segundu imán tán dedicaos a los símbolos de la roupa, mientras que l'últimu de los imanes de la serie recói recomendaciones prácticas de  l.laváu ya conservación.

Dende'l Conceyu Cangas, convidan a las empresas vinculadas al sector textil ya al de venta d'electrodomésticos a sumase a la distribución de la campaña nas súas tiendas ya animan tanto a estas entidades cumo a particulares con interés na campaña a contactar cono Serviciu de Normalización  L.lingüística ya fadese conas súas muestras.

Tal ya cumo apunta Carmen Riesco Combarro, esta campaña nueva pretende, cumo las anteriores, demostrar la tresversalidá ya capacidá comunicativa infinita de la nuesa l.lingua ya comprométese, una vez más, cona súa visibilización ya dignificación.
Los materiales referíos serán repartíos dende los puntos que se consensúen ya'l propiu Serviciu de Normalización L.lingüística, asitiáu na Casa la Cultura ¿Palaciu d'Oumaña¿,  La Plaza la Oliva, s/n, a partir de mañena. ¡Nun vos quedéis sin el.los!                                                                                    


Imagen imán recomendaciones

 

Imagen imán símbolos 1

 

Imagen imán símbolos 2