Ganadores XV Concursu de cuentos curtios del Conceyu Cangas

Ganadores XV Concursu de cuentos curtios del Conceyu Cangas

El xuráu del XV Concursu de cuentos curtios del Conceyu Cangas, formáu por 4 l.lingüistas, 2 escritores ya 2 normalizadores, decidíu anueite por unanimidá premiar la obra de Manuel García Menéndez, L'home que caéu nun bardón de lata, ya Paco Álvarez González, Les hores últimes de Dulce Gaván, na categoría d'asturianu occidental ya asturianu normativu, respectivamente.

Las personas que conformaban el xuráu destacanon la cantidá ya, particularmente, la calidá de las obras presentadas, mui superior a la de las ediciones anteriores, nesta, notábase la mano del/de la escritor/a avezáu/ada, lo que feixo difícil de primeras decantase por una ganadora única ente las obras presentadas. Igualmente, l'estilu impecable, la orixinalidá de las propuestas ya la calidá literaria de las súas hestorias declinóu, a la final, la balanza hacia estas candidatas


La primera, L'home que caéu nun bardón de lata, yá una distopía ácida, descarnada  ya surrealista qu'alerta sobre los peligros del nihilismu ya la deshumanización nuna sociedá cada día más individualista.


La segunda, Les hores últimes de Dulce Gaván, respuende a las características paradigmáticas de la novela negra: miedu, violencia, inxusticia, relativismu moral, dramatismu ya un ambiente íntimu ya asfixante que fluye progresivamente hacia un final fatal.El xuráu quixo destacar que la calidá de las obras presentadas, ganadoras ya finalistas, deixa bien clara la salú ya calidá de la nuesa literatura.