L'Alcalde de Cangas del Narcea, José Luis Fontaniella, informa que la Xunta de Gobiernu aprobóu güei, 29 de los santos, un paquete d'inversiones n'infraestructuras pal conceyu por un importe total de 800.000 euros a executar nos exercicios 2014 ya 2015 con financiación de las alministraciones diferentes, en concreto, con cargu principal a los fondos Leader. Asina, fonon aprobadas pol equipu de gobiernu actual las actuaciones siguientes:

1. Construcción de sienda peonil ente Entrambasauguas ya San Tisu (continuación del Paséu del Vinu).
2. Meyora ya acondicionamientu de camín ente El Cascarín ya Santolaya.
3. Construcción de rede d'observatorios de la naturaleza n'El Coniu.
4. Execución de rede d'observatorios de la naturaleza en Brañas d'Arriba.
5. Construcción ya instalación de parques infantiles en Trones ya La Riela, amás d'un parque vital aeróbicu en Cangas na plaza del Centru Social de la 3ª edá.
6. Execución de pasarela peonil ente El Prau del Molín ya'l Paséu del Vinu, que conectará esti paséu cona sienda a Santolaya ya hasta'l centru de Cangas (El Prau del Molín).
   1. Estas obras son declaradas prioritarias ya van ser financiadas con Fondos Leader, aprobándolo anantes el Grupu de Desenvolvimientu.
7. Acondicionamientu de zonas d'ociu n'El Prau del Molín.
8. Urbanización ya meyora de la Plaza de Rafael Rodríguez (plaza del Julter) en Cangas.
9. Construcción ya instalación d'equipamientos pa parque infantil ya aria recreativa n'El Prau del Molín.
   1. Estas obras son declaradas complementarias ya van ser financiadas con Fondos Leader, aprobándolo antias el Grupu de Desenvolvimientu.
10. Acondicionamientu de puntos diferentes d'observación de la naturaleza.
11. Meyora ya acondicionamientu de camín en Rimolín a puntu d'observación.
12. Obras de recuperación de la presa d'El Prau del Molín.
13. Meyora d'accesos al Colexu Maestro Casanova ya aria d'El Prau del Molín.
14. Rehabilitación de cuatro fontes públicas históricas en distintos núcleos rurales del conceyu.
    1. Estas obras van executase con cargu a los presupuestos de la Casa Conceyu.

L'Alcalde destaca qu'esti plan de choque en materia d'infraestructuras con una inversión histórica de 800.000 € atiende al cumplimientu de los sous compromisos respectu a reivindicaciones vecinales, a necesidades de la vil.la, al desenvolvimientu de los nuesos núcleos rurales ya fundamentalmente a un apueste decidíu polas infraestructuras turísticas cumo unu de los motores de desenvolvimientu ya creación de riqueza ya empléu pal nuesu conceyu.