El Centru d'Empresas d'Oubanca yá un serviciu del conceyu constituíu pal fomentu de la iniciativa empresarial del conceyu ya ufierta una infraestructura que combina l.lares a precios bonificaos cono asesoramientu empresarial ya la prestación de servicios comunes.

Las iniciativas empresariales que demanden un espaciu físicu pal sou asitiamientu van cuntar no Centru d'Empresas con naves ya oficinas pal sou arrendamientu durante un períodu máximu de cinco años.

Amás, tódalas personas con una inquietú empresarial qu'inda nun tuvieran definida la súa idea de negociu, tamién puede ubicase durante unos meses de baldre no Viveiru d'Empresas ande van poder analizar el sou proxectu cono apoyu tutorizáu de personal técnicu.

ASITIAMIENTU:

• Centru d'Empresas Oubanca
• Polígonu Industrial d'Oubanca - 33819 Cangas del Narcea (Asturias)
• Tfnu.: 985813068 - Fax: 985810632
• Corréu electrónicu: centroempresas@ceobanca.es
• Web: www.ceobanca.es