Estas en:

Actividad recinto ferial

BANDU DE CONTENCIÓN REFORZADA DE LA TRESMISIÓN DEL CORONAVIRUS COVID-19

BANDU DE CONTENCIÓN REFORZADA DE LA TRESMISIÓN DEL CORONAVIRUS COVID-19


JOSÉ VÍCTOR RODRÍGUEZ FERNÁNDEZ, ALCALDE PRESIDENTE DEL ILMU. CONCEYU DE CANGAS DEL NARCEA (ASTURIAS)


N'exerciciu de las competencias que m'atribuyen los artículos 21 ya 25 de la Lei 7/1985, de 2 d'abril, reguladora de las Bases de Réxime de los Conceyos


FAIGO SABER:


Que, atendiendo a la situación actual de contención reforzada de la tresmisión del coronavirus COVID-19 ya con carácter namás preventivu, considero adoptar ente los días 12 ya 26 de marzu de 2020 las mididas siguientes:  


1. Cerrar accesu del públicu ya suspender las actividades nos servicios del conceyu siguientes:  

 

  • Polideportivu del Conceyu.
  • Piscinas climatizadas.
  • Telecentru (Serviciu de Dinamización Tecnolóxica del Conceyu).
  • Biblioteca. Mantiénse l'empréstamu de l.libros.
  • Teatru Toreno. Escuela de Música del Conceyu.
  • Feria ganadera del 14 de marzu de 2020 no Recintu Ferial de La Imera.
  • Mercáu sumanal de los sábados, 14 ya 21 de marzu de 2020.

2. Mantener servicios básicos asistenciales cumo l'ayuda a domiciliu, extremando las mididas de prevención recomendadas polas Conseyerías de Salú ya Drechos Sociales ya Bienestar del Principáu d'Asturias.


3. Suspender la eficacia de las autorizaciones de los Conceyos pa usu de locales ya espacios de regunión p'asociaciones ya colectivos, suspendiéndose tamién la tramitación d'autorizaciones nuevas.  
Amás, comunícase que, por parte d'esti Conceyu, vei procedese a reforzar los servicios de l.limpieza de los centros educativos diferientes d'esti conceyu, cumo una midida preventiva más.


Anque se marque un plazu de 14 días en principiu, esti plazu vei tar sometíu a revisión en función de la evolución de la situación.
Pa cualquier xestión relativa al Conceyu, ruégase facer consultas telefónicas (Tlfn. 985 81 38 12), contactar por corréu electrónicu (informacion@ayto-cnarcea.es) ou usar la sede electrónica asitiada na web.  


Lo que se pon en conecimientu xeneral pal sou cumplimientu.

 

View »