Estas en:

Actividad recinto ferial

BASES CONCURSU CARTELES FIESTAS DEL CARME YA LA MADALENA 2019

BASES CONCURSU CARTELES FIESTAS DEL CARME YA LA MADALENA 2019

1. OBXECTIVU

L'obxectivu d'estas bases yá deseñar un cartel anunciador de las Fiestas del Carme ya la Madalena 2019.

 

2. CARACTERÍSTICAS TÉCNICAS

Van ser carteles de concepción ya técnica l.libre, siempre que sea posible la súa reproducción.
El sou formatu de presentación vei ser  DIN A3, pudiendo ir los orixinales acompañaos de soporte dixital.
IMPORTANTE: En casu  d'usu de fotografías haberá cuntase cono permisu del autor/a.
Los trabayos han ser orixinales ya nun suponer en todo ou en parte copia ou plaxu d'obras publicadas, sean  propias ou d'outros artistas.

 

3. RETULACIÓN

Tódolos carteles han incluir la lienda siguiente:
El Carme ya la Madalena
Cangas del Narcea
Del 14 al 22 de santamarina de 2019
(La frase "ya la Madalena" ocupará un terciu de l'altura de la l.letra usada pa "El Carme2 cona mesma tipoloxía)


4. LEMA

Na parte trasera de los trabayos vei figurar un lema que preservará la identidá del autor/a hasta'l determín del xuráu.

 

5. PLAZU DE PRESENTACIÓN

El plazu de presentación de los trabayos acaba'l día 6 de mayu de 2019, a las 14:00 horas.  
Los trabayos presentaránse ou dunviaránse debidamente embalaos a la Oficina del Conceyu de Cangas del Narcea, asitiada n'El Paséu (*C/ Uría), 13, baxu, 33800, Cangas del Narcea, n'horariu de 9:00 a 14:00 horas.  
Nun sobre cerráu, incluiráse'l nome ya los apellíos del autor/a, el sou DNI, las súas señas ya'l sou teléfonu.
No exterior del sobre indicáu, aparecerá, en l.letras mayúsculas, el mesmu lema que figure na obra presentada, ensin constar alusión niuna que permita identificar al concursante, siendo causa d'exclusión del concursu l'incomplimientu d'esta norma.


6. XURÁU YA PREMIU

El xuráu tará formáu polos miembros de la Comisión de Fiestas de Cangas del Narcea.
 La decisión del xuráu vei ser inapelable.
El xuráu puede declarar el concursu desiertu.
Vei concedese un premiu únicu con una dotación económica de 500 euros (QUINIENTOS EUROS) ya'l cartel ganador será cartel anunciador de las fiestas ya portada del l.libru del programa.  
La obra premiada vei pasar a ser propiedá de COFECA, qu'alquirirá sobre'l mesmu drechu plenu d'usu, reproducción ya difusión.  
Los carteles non premiaos poderán ser retiraos solicitándolo antias del día 31 de mayu de 2019 al Conceyu de Cangas.
 

View »