El certame cunta con 160 cabezas de ganáu inscritas, que se disputarán durante la xornada del sábadu la excelencia nas categorías diferientes: femas cruzadas, machos cruzaos, ponis, pura raza española ya pura raza árabe. Las calificaciones fairánse públicas na mañena del domingu.
    Ente tanto ya non, pondrá la guinda a la xornada del sábadu l'espectáculu ecuestre de Miron Bococi "Free style horse show", que promete nun deixar indiferiente a naide.
    P'acabar con esta cita ganadera, a la tarde del domingu, el públicu presente poderá disfrutar d'un espectáculu qu'inclúi pruebas d'arrastre, una gymkana ya carreras de cintas.
    La conceyala de Mediu Rural ya Agroganadería, María Esther Fernández Somiedo, convida a la xente interesada nel ganáu equinu a visitar la feria, porque, asegura, cubrirá las súas expectativas con esta propuesta completa ya variada, igualmente, aprovecha pa recalcar el compromisu de la corporación cono mediu rural ya los sous recursos.