Concurso Morfológico Ecuestre Ecunarcea 2014 - ayto-cangasdelnarcea
Actividad recinto ferial
Concursu Morfolóxicu Ecuestre Ecunarcea 2014
Durante'l sábadu 21 ya'l domingu 22 de xunu, vei celebrase no Recintu Ferial de La Imera de Cangas del Narcea'l Concursu Morfolóxicu Ecunarcea 2014.
Distintas actividades van celebrase durante'l fin de sumana. Ente el.las, destacan l'espectáculu ecuestre de burros en l.libertá “Trending Topic”, a cargu de Santi Serra (Sercam Shows, ganador de la 2ª Edición del concursu televisivu “Tu sí que vales” ya de la Show Cup de Equitania 2013) programada pal sábadu 21 a las 19:00 h., la gymkana'l domingu a las 12:00 ya la carrera de cintas tamién el domingu a las 16:00.
El concursu morfolóxicu iniciaráse'l sábadu de 10 a 13:30 cona calificación d'asturcón ya'l principiu de las calificaciones de cruzáu. El mesmu sábadu de 15 a 19 horas vei faese la calificación de ponis ya la de pura raza española ya raza árabe. El domingu de 10 a 12 vei acabar la calificación de cruzáu.
En total hai inscritos 164 participantes, ente los que destacan 22 de pura raza española ya 14 de raza árabe. Van participar más de 60 explotaciones, de las que 25 son de zonas diferentes de Cangas del Narcea.
La organización cuerre a cargu del Conceyu de Cangas del Narcea, que cunta cona colaboración de la Conseyería d'Agroganadería ya Recursos Autóctonos; Suroccidente Agrícola ya Biona; Caja Rural d'Asturias, Cajastur, La Caixa; Seguros Helvetia; penas de xinetes: El Acebo, El Tranco, Unión Caballar, Jinetes de los Valles del Narcea ya La Estampida.