El Conceyu de Cangas del Narcea, en colaboración cona Conseyería de Servicios ya Drechos Sociales ya'l sindicatu COAG, promueve un cursu pa formar en materia de capacitación d'asistente personal, impartíu pola asociación Solidaridad Intergeneracional.

El cursu, con una duración de 60 horas, vei impartise ente'l 30 de setiembre ya'l 18 d'outubre de 2019 na Casa la Cultura "Palaciu d'Oumaña", de l.lunes a vienres, n'horariu de 9:30 a 13:30 horas, pa facilitar la conciliación familiar, ya ta dirixíu a personas n'edá laboral. Ufiértanse 25 plazas ya la inscripción ha facese na Axencia d'Igualdá d'Oportunidades, presencialmente: Casa Conceyu, El Mercáu, s/n, ou por teléfonu: 985813812, ente'l 12 ya'l 27 de setiembre de 2019.

Sigún apunta Carmen López, conceyala de la Muyer del Conceyu de Cangas del Narcea, la figura del asistente personal yá novedosa dientro del SAAD d'Asturias, yá una profesión de futuru dirixida a ayudar a outras personas a desenvolver el sou proxectu de vida, yá sea una persona mayor, nenos/as, personas con diversidá funcional, etc. ya l'obxectivu de la puesta en marcha d'esti cursu vei ser la empleabilidá de las personas n'edá laboral nel conceyu.