La Comisión de Fiestas de Cangas del Narcea yá escoyíu al sou pregoneiru d'estiañu, trátase del futbolista cangués Jonathan Rodríguez Menéndez, más conocíu cumo Jony, xugador del Sporting de Xixón.

La conceyala de Fiestas, Mónica Díaz, comentóu “valoro'l sou bon recorríu profesional nuna persona cona súa edá, que sea un cangués amante de la súa tierra ya d'estas fiestas ya que l.lieve'l nome de Cangas por ou vei”.

Biografía

Empicipióu la práctica del fútbol na SD Narcea ya durante la súa etapa cumo cadete pasóu a las categorías inferiores del Real Oviedo. Espuéis de completar la súa formación nel fútbol base en La Masía, onde disputóu las temporadas 2008/09 ya 2009/10 no equipu xuvenil del FC Barcelona, incorporóuse al Real Oviedo Vetusta en 2010. El 26 de setiembre del mesmu añu debutóu cono Real Oviedo na segunda división B. Más tarde, siguíu cona súa andadura pola categoría no Club Marino de Lluanco, el Getafe CF B ya'l Real Avilés CF hasta 2013, momentu nel que fichóu pol Real Sporting de Gijón/Xixón B.

El 10 de mayu 2014 debutóu cono Real Sporting de Gijón/Xixón na segunda división nun alcuentru énte l'Hércules CF disputáu no estadiu d'El Molinón nel qu'anotóu'l primer gol del sou equipu.