El grupu La Cirigüeña sigue cona súa xira d’iviernu “Arrenuncio”, que los ta l.levando polos teatros de l.lugares asturianos diferentes, Cangas del Narcea yá unu d’el.los ya aiquí van actuar el domingu 18 de los santos, a las 19:00, no Teatru Toreno. Esti espectáculu del grupu vei dirixíu a los más pequenos ya ta basáu no discu “Arrenuncio”, editáu no 2008, de temática infantil.

La Cirigüeña presenta asina nos teatros un tipu d’actuación dafeitu nueva, creada pa esfrutar cómodamente en familia, pero que mantién intactu l’obxectivu principal del grupu: que los asistentes nun deixen de rise. El preciu de la entrada al teatru vei ser de seis euros.

La Cirigüeña nacíu no añu 1998 ya actualmente ta formáu por Vanessa Mallo, Fernando Cuesta ya Toño Peña. El grupu yá editóu díaz discos ya tien outru a puntu de salir. Amás, l.lievan más de seis años actuando por escenarios de toda Asturias.

Imágenes