La ufierta d'actividades formativas ya d'esparcimientu saludable pa muyeres del mediu rural ábrese un añu más de la mano de la Conceyalía d'Igualdá del Conceyu de Cangas del Narcea. Siempre cono obxectivu d'ofrecer durante la conmemoración del Día Internacional de la Muyer Rural 2019 la oportunidá d'afianzar el conecimientu personal ya reforzar la valía propia.  

Las muyeres que quieran  participar na ufierta cultural d'estiañu, que compriende un repasu por cuestiones d'interés cumo: violencia de xéneru, exercicios ya actividades lúdicas pa reforzar la salú femenina, reflexones sobre igualdá d'oportunidades, análisis del papel de la muyer cumo tresmisora de la cultural tradicional no flandón, salú femenina, yoga, interculturalidá, espaciu en femenín: construyendo relaciones de bon tratu ou'l taller de "cumo cudiar ya cudiase", van poder apuntase pa participar nestos talleres dende güei hasta'l 27 de setiembre na Axencia d'Igualdá d'Oportunidades ya nas asociaciones de muyeres ou personas encargadas de cada zona.

Las actividades fairánse ente'l 30 de setiembre ya'l 15 de los santos nas sedes de Cibuyu, Veiga de Rengos, Carbachu, Cibea, Robléu de Teinás, Santiáu, Bisuyu, Tresmonte, Vil.laxer, Auguera ya Courias.

N'acabando, vei facese l'alcuentru añal d'asociaciones de muyeres ya'l piel.le del programa vei celebrase'l día 13 de los santos.

La conceyala d'Igualdá, Carmen López Martínez, afirma sintise feliz por poder aveirar un añu más a zonas tan diferientes del conceyu  oportunidades formativas tan ambiciosas ya interesantes ya anima a las muyeres a siguir construyendo texíu asociativu ya velando polos sous intereses de desenvolvimientu na zona rural.   

Imágenes