Na escoyeta feita pol portal de viaxes destácase la guapura de quince montes: La Selva de Irati, en Navarra; Muniel.los, n'Asturias; El Hayedo de Montejo, en Madrid; Fanlo, n'Huesca; Hoz de Beteta, en Cuenca; Fageda de la Grevolosa, en Barcelona; Bosque de Oma, en Bizkaia; Faedo de Ciñera, en León; Garajonay, en La Gomera; Bellver, en Mallorca; Monte Cabezón, en Cantabria; Fragas do Eume, n'A Coruña; Hayedo d'En Jordà, en Girona; Bosques del Ambroz, en Cáceres ya Dehesa del Saler, en València.

Reforzando la valoración sobresaliente a nivel nacional, Muniel.los yía, amás,  protagonista del programa presentáu por Jesús Calleja na cadena de televisión Cuatro, "Volando voy", qu'estos días s'alcuentra na zona fadiendo las grabaciones que s'emitirán a nivel nacional el próximu mes de xunu.
 
 L'alcalde de Cangas del Narcea, José Víctor Rodríguez Fernández, manifiéstase mui arguyosu de cuntar con un sitiu tan guapu ya valoráu no nuesu conceyu, de la mesma manera, considera que Muniel.los yía un reclamu turísticu de primer orde ya que sobre él debe pivotase la estratexa d'ecoturismu, por eso, considera interesante aumentar el cupu de visitantes durante la primavera ya'l branu, amás d'ampliar las rutas que rayen cono monte ya permitan disfrutar de las súas vistas.

https://www.niumba.com/blog/2016/05/13/15-bosques-espanoles-increibles-en-los-que-no-te-importaria-perderte/