El Conceyu de Cangas, al traviés del Programa Rompiendo distancias, vei organizar en breve varios talleres.

El primeiru d'el.los vei ser el Taller de teatru, qu'empicipia'l día 10 no Teatru Toreno, a partir de las once la mañena.

El martes 11 vei faer lo propio'l Taller d'informática no Centru de Dinamización Tecnolóxica del Conceyu. Los dous talleres van dirixíos a personas mayores.

El vienres 14, pola súa parte, escomencipiará nuna de las aulas del Palaciu d'Oumaña'l Taller pa cuidadores/as de personas dependientes, cono obxectivu de facilitar ferramientas pa faer los l.labores de cuidador/a ensin descuidar el cuidáu propiu ya l'atención personal, al tiempu que se capacita a las personas qu'exercen de cuidadoras pa desenvolver esi rol. Esti taller fairáse a partir de las 16:00 horas.

Tódalas personas interesadas en dalgunu de los talleres tienen d'apuntase no Centru de Servicios Sociales del Conceyu de Cangas del Narcea, Programa Rompiendo distancias.