La Conceyalía de Servicios Sociales, al traviés del Programa Rompiendo Distancias, organiza un taller nuevu: Salú pal tou cerebru. Nesti casu, destináu a meyorar la memoria, la concentración ya las habilidades comunicativas de las personas participantes, qu'han ser mayores de 50 años.

El taller celebraráse ente'l 18 de marzu ya'l 3 de mayu nos l.lugares siguientes: Bisuyu, Sorrodiles, Mieldes ya Carbachu ya'l númaru total de plazas yá de 20.

Las personas interesadas en participar han apuntase presencialmente no Centru de Servicios Sociales del Conceyu Cangas, El Paséu (C/Uría), 13, ou por teléfonu: 985813798, teniendo en cuenta que'l plazu acaba'l 13 de marzu.

La conceyala de Servicios Sociales, Carmen López, anima a las personas mayores de Cangas a participar d'esti programa d'avieyamientu activu ya a disfrutar d'una madurez saludable