La Biblioteca Pública del Conceyu "P. Alfonso de Carvallo" organiza los talleres "La hora del cuentu" ya "Ayudante de biblioteca", dirixíos a nenos ya nenas d'ente cuatro ya ocho años no primer casu ya d'ente nueve ya doce no segundu.

“La hora del cuentu” vei desenvolvese’l 24 d’outubre a las 17:00 ya nél van poder participar hasta 15 nenos ya nenas. Durante una hora, los asistentes van esfrutar de la lectura del cuentu Pez rojo, amás van faese actividades ya manualidades relacionadas cona historia recién descubierta.

El segundu de los talleres, “Ayudante de biblioteca”, ta previstu que se desenvuelva’l 25 d’outubre, a las 18:00. Esti taller tien por obxectivu formar a los usuarios nuevos de la biblioteca. Por eso, los ocho nenos ya nenas que cumo máximo pueden participar no taller van conocer las normas de comportamientu ya funcionamientu de la biblioteca, descubrir nuevos materiales ya servicios que pueden topase nel.la ya, sobre todo, van deprender a orientase ente las estanterías, usar el catálogu ya’l sistema de clasificación de l.libros; en resume, van deprender a faer la súa busca de manera autónoma.

Los dous talleres van desenvolvese na Biblioteca Pública Municipal “P. Alfonso de Carvallo”, asitiada na Casa la Cultura “Palaciu d’Oumaña”, ya pa participar nel.los yá necesario inscribise anantes.