Ente'l 25 ya'l 31 de marzu,  Cangas celebra la súa XVIII Sumana Cultural, cargada de conciertos que tendrán al pop-rock cumo protagonista. Bandas amateur, artistas consagraos ya músicos con propuestas variadas tendrán cabida nesta edición nueva de la semana cultural.
Abre la programación el l.lunes 25, a las 20:00 horas, no Teatru Toreno, l'actuación d'un grupu cangués de creación nueva, Malakaña, que debutará nesta XVIII edición de la sumana cultural canguesa.   Yá de resaltar que tolas personas que conforman la banda empicipianon la súa andadura musical na Escuela de Música del Conceyu.
El martes, la xornada  musical tará protagonizada pola propia Escuela de Música del Conceyu. Varios docentes acompañaos de dalgún/a alumnu/a aveiraránnos a versiones mui especiales de los temas más emblemáticos del pop-rock.  Esta cita musical tamién será no Teatru Toreno, a las 20:00 horas.
El miércoles, pola súa parte, será'l turnu de Los Murciélagos. Esta agrupación musical canguesa acumula sin duda más solera na zona que niuna outra ya pertenez yá a la historia musical canguesa por drechu propiu.  

El xueves, siguimos conos conciertos, nesti casu con Broken Roads, que cunta cumo principal componente cono cangués Pablo Claros. Sigue a Broken Roads, un dúu yá veteranu nel escenariu del Teatru Toreno, Belinda ya Omar, que nos volverán a sorprender con una de las apuestas más tresgresoras de la sumana.

 El sábadu chega la gran nueite de la sumana con trés conciertos programaos, por una parte, Catete Rococó, outra apuesta moza canguesa formada por dalgunos excomponentes de la banda Pingüino, qu'actuará a las 20:00 horas nel Teatru Toreno, por outra, Kilika Santa, una de las agrupaciones con más repercusión en Cangas n'actualidá, qu'actuarán no Teatru Toreno a continuación de Catete Rococó ya, pa poner el broche a una xornada d'éxitos musicales Nacha Pop, grupu musical de los 80 que nos fairá alcordanos de cantares d'anueite, güei, mañena ya siempre.

 Cierra las celebraciones musicales el domingu Luar na Lubre, outra de las grandes apuestas de fuera que complementan la rica ya variadísima programación local d'estiañu.
Carmen Riesco Combarro, conceyala de Cultura del Conceyu Cangas, anima a participar nas actividades programadas en cualquiera de los escenarios dispuestos a las personas amantes de la música, yá que se programóu una sumana cargada de bona música dando cabida a artistas ya músicos de personalidá diferiente dientro d'una mesma tendencia común, el pop-rock.