Durante los días 25, 26, 27 ya 28, Cangas del Narcea acói unu de los certámenes ganadeiros más destacáu a nivel nacional. Tamién vei faese la Feria d’artesanía ya las Xornadas gastronómicas de la carne de xatu roxu ya Vinu de Calidá de Cangas.

Cangas del Narcea, cumo mayor conceyu productor ya criador de ganáu de raza Asturiana de los Val.les, vei ser la sede por veintiséis añu consecutivu d’unu de los certámenes ganadeiros nacionales más importantes dientro de los dedicaos a las razas bovinas de producción cárnica, el Concursu-subasta Nacional de la Raza Asturiana de los Val.les, que celebra la súa veintiséis edición.

El xueves, día 25 d’abril, el recintu ferial de La Imera abre las súas puertas pa qu’empicipie la entrada de ganaderías. Durante esti primer día, los participantes deben entregar la documentación ya empicipiar a faer los primeiros l.labores de calificación del ganáu a subasta ya concursu, que van siguir durante’l vienres ya’l sábadu.

Amás, el sábadu, 27 d’abril, cumo novedá, ufiertaráse un menú degustación de carne donada pola IXP Xata Roxa a tódolos asistentes ya ganadeiros que se topen nel recintu ferial de La Imera a las 12:00.

P’acabar, el domingu 28 d’abril, a partir de las 11:00, vei faese la subasta de sementales ya espuéis, a las 13:00, l’actu de piel.le nel que s’entregarán los premios ya’l desfile de campeones nacionales.

Paralelamente al certame, durante’l fin de sumana, vei celebrase la XIX Feria d’artesanía, que vei asitiase dientro del recintu ferial ya ufiertar productos artesanos cumo’l miel, l’embutíu, el pan, el queisu; tamién productos relacionaos cona artesanía de la madera ya los textiles. Mientras que na vil.la, la Xunta d’Hostelería del Conceyu organiza las Xornadas gastronómicas del xatu roxu ya’l Vinu de Calidá de Cangas, ande la carne de xatu preparada en distintas especialidades vei ser la protagonista de los menús de los restoranes cangueses.

Descarga en este enlace el programa

Imágenes