Jorge Rodríguez Menéndez del CRA Coto Narcea ya Carla Fernández Alba del colexu Alejandro Casona son los dous ganadores de la decimoprimera edición del concursu de debuxu. El xuráu del concursu, compuestu por representantes del Aria de Cultura del Conceyu, decidíu que’l debuxu de Jorge era’l meyor de la primer categoría, qu’inclúi a nenos ya nenas de 1u, 2u ya 3u de primaria; ya que’l de Carla era unu de los más destacaos de la segunda categoría, qu’abarca a nenos ya nenas de 4 u, 5 u ya 6 u de primaria.

Los dous ganadores van recibir un val de 60 euros pa gastar en material escolar ya l.libros en cualquiera de las l.librerías de Cangas. Un premiu que vei entregáse-ys el día 23 de mayu a las 18:00 horas na sala infantil de la Biblioteca Pública del Conceyu “Padre Alfonso de Carvallo”. Amás, los debuxos, centraos estiañu na temática de los cuentos clásicos, van ser la imaxe de los marcapáxinas de la biblioteca a partir del 23 d’abril, Día del L.libru.