Campañas de normalización - ayto-cangasdelnarcea
Calandariu de la güerta
L'occidente d'Asturias yá una zona tradicionalmente agrícola. De la relación fuerte ente l'home ya la tierra dan bona cuenta las manos de las muyeres ya los homes de los sous conceyos. Tamién el nuesu paisaxe. La tierra yá fonte d'alimentos ya al traviés d'el.la la xente establecíu una relación de respetu cona naturaleza. Agora, dende los servicios de normalización l.lingüística queremos promover una vuelta a la tierra, recuperando las palabras ya los conocimientos de las muyeres ya los homes depositarios de la tradición agrícola asturiana, dando asina continuidá al cultivu ecolóxicu ya sostenible n'Asturias.
Cunta cono asturianu. L'asturianu yá tradición
Yá una campaña que pretende normalizar l'usu del asturianu mediante la dignificación de la súa valoratible literatura, tanto oral cumo escrita.
Esta campaña cunta con dúas colecciones:
- "Cunta cono asturianu", que recói textos de los autores más sobresalientes de la fastera occidental, ente el.los, autores de prestixu internacional cumo Xuan Bello.
- "L'asturianu yá tradición", que refuerza una modalidá de literatura muitas veces esqueicida, pero non menos importante que l'anterior, la oral, rica ya presente tovía afortunadamente no corpus que mantién vivu la xente d'esti conceyu ya d'outros vecinos.
Calandariu de ferias ya mercaos
El calandariu de ferias ya mercaos yá unu de los componentes d'una campaña más amplia destinada a la promoción de la nuesa tradición agrícola ya ganadera.
Lo que pretendemos los servicios de L.lena, Llaviana ya Cangas con esta iniciativa yá dignificar el patrimoniu bien ricu cono que contamos nos nuesos conceyos eminentemente rurales, tanto a nivel agrícola cumo ganadeiru.
Un calandariu de ferias ya mercaos, un calandariu de la güerta ya un folletu con información sobre las razas del país son los materiales que conforman esta edición de la campaña, cona que queremos rindir homenaxe a todas esas personas anónimas del mundu rural que día a día trabayan por un futuru sostenible ya respetuosu cona naturaleza ya la l.lingua de nueso.
Retulación toponímica
Siempre d’alcuerdu al nomenclátor tradicional ya oficial.
Concursu cuentos n'asturianu p'adultos
Esti concursu¿i cuentos vien fadiéndose en Cangas dende hai yá bien de tiempu, primeiro por aciu d¿asociaciones ya grupos de xente remolida pol futuru del idioma ya, espuéis, por iniciativa institucional. Ente outras muitas cousas, tien por fin incentivar a la población a participar del procesu de dignificación de la nuesa l.lingua mediante l¿arrequecimientu de la súa literatura, tanto na súa variante estándar cumo na propia del nuesu territoriu occidental.
Cada añu hai más personas que se suman al procesu, dándo-y prestixu ya xeitu a un certame que quier ser testigu mudu, ya testimoniu al tiempu, del valir de las nuesas l.letras ya de los sous artífices.
Retulación urbana ya de dependencias del Conceyu
Esta campaña faise cono obxectivu de garantizar una imaxe institucional bilingüe na que tean representaos na mesma midida dous de los trés idiomas asturianos (español, asturl.lionés ya eonaviegu).
¡Erre qu'erre! Reduz, Reutiliza, Recicla II: Eichádeme una mano
Campaña pa fomentar el cuidáu del mediu ambiente: bolsas + cartel + cuadernín con conseyos.
N'asturianu queda guapo II
Campaña educativa pa fomentar l’usu de los nomes propios vinculaos al monte, a la ribera, a la casería, a la vistimenta, a las estaciones ya’l cuerpu humanu por dientro.: carteles + fichas.
Na igualdá tas que ruempes. ¡Ruempi col machismu!
Campaña pa fomentar la igualdá sexual: cartel + camisetas + folletos del xuguete non sexista + pegatinas + chapas.
La salú, de sentíu común
Campaña pa fomentar hábitos bonos no qu’a la salú se refier: carteles.
¡Que nun t'esfaraguye'l pan!:
Campaña pa fomentar el vocabulariu propiu del pan mediante’l repartu nas panaderías de bolsas de material recicláu ya reciclable en dous tamaños: barra ya fogaza.
L.libru pa lo más pequenín de la casa
Publicación que pretende fomentar la tresmisión xeneracional de la nuesa l.lingua mediante la concienciación ente los padres, a los que se-ys apurre un álbum bien guapu pa completalu con todo lo relacionao cono/a fíu/a qu’acaban de tener.
El tou nome di muito de ti
La campaña tien l’obxectivu de fomentar l’usu ya conocencia de los nomes asturianos ya garantizar la súa supervivencia ya tresmisión xeneracional. Amás, la propia campaña ufierta la información necesaria pa faer los trámites de cambiu de nome ya apellíos a la forma asturiana.
