ANTECEDENTES:

• El Conceyu, na sesión del Plenu de fecha 30 de xunu de 2016, alcordóu, ente outras cousas, aprobar el Censu Oficial de Caminos ya Fontes Públicas del conceyu de Cangas del Narcea- Lote 4-sección caminos, que correspuende al aria xeográfica de la zona oeste (val.le d'El Cotu) ya compriende las parroquias d'Auguera, Bergame, Abanceña ya Veigal.lagar.  
• El Conceyu, na sesión del Plenu de fecha 27 d'abril de 2015, alcordóu, ente outras cousas, aprobar el Censu Oficial de Caminos ya Fontes Públicas del conceyu de Cangas del Narcea-Lote3-sección caminos, que correspuende al aria xeográfica de la zona noroeste (Las Montañas-Bisuyu) ya compriende las parroquias de Bisuyu, Las Montañas ya Trones.
• El Conceyu, na sesión del Plenu de fecha 25 de setiembre de 2014, alcordóu, ente outras cousas, aprobar el Censu Oficial de Caminos ya Fontes Públicas del conceyu de Cangas del Narcea-Lote 2-sección caminos, que correspuende al aria xeográfica de la zona norte (ribera del Narcea-Cangas) ya compriende las parroquias de Xarceléi, Tubongu, Carceda, Courias, San Cristóbal, Oubanca, Adralés, Cangas del Narcea, Santolaya ya L.lumés. 

ACCESU AL VISOR:

• Dende esti enl.laz puede accedese al visor.
• Manual d'intrucciones de funcionamientu del visor. (pdf. 1,4 Mb)

OBXETIVU DEL PROXECTU:

Nos años últimos, féixose necesario cuntar con un inventariu de caminos ya fontes públicas por parte del Conceyu de Cangas del Narcea que garantice, de forma prioritaria, una seguridá xurídica sobre todos estos elementos (caminos ya fontes) d'usu públicu con competencia del Conceyu no relativo a usu, aprovechamientu, conservación ya policía.
Amás, resulta mui atractivo cuntar con una base de datos que xunto cona cartografía última pueda suponer un antias ya un espuéis na forma de xestionar la información xeográfica del conceyu en tolo relativo a caminos ya fontes, ya que da tamién la posibilidá d'implementar esti serviciu nun futuru próximu con elementos nuevos de tipu demográficu, turísticu ou d'alministración tributaria que garanticen una xestión territorial más organizada ya eficaz.

Usos globales del censu:

• Xestión rápida ya eficaz sobre cualquier actuación qu'afecte a los caminos, al traviés d'una cartografía xeorreferenciada (GIS).
• Conecimiento del sou estáu ya características de forma eficiente. Meyora na toma de decisiones qu'afecten al sou mantenimientu.
• Meyor defensa de los bienes inventariaos frente a usurpaciones posibles. Seguridá xurídica por parte del Conceyu.
• Resolución d'expedientes relativos a caminos con mayor celeridá ya seguridá xurídica.  
• Proxectos de reparación, meyora, asfaltáu ou siñalización de caminos.  
• Elaboración de proxectos de redes de saneamientu, traída d'augua ou l.luces públicas.
• Urbanismu
  • Planeamientu (accesu a fincas, rede de viales, etc.)
  • Licencias d'obras de cierre de fincas (retranquéu a caminos públicos)
  • Licencias de segregación de fincas (accesos posibles).
• Posibilidá de que valga pa numaraciones futuras de viviendas nel aria rural.  
• Implantación de caminos peoniles ou carriles bici.
• Consulta d'expedientes ya comprobación de datos d'outras alministraciones:
  • Informe sobre modificaciones catastrales que puedan afectar a caminos ya fincas que rayan conos mesmos.
  • Comprobación d'edictos del Rexistru de la Propiedá.
  • Comprobación de proxectos feitos por outras alministraciones (expropiación, caminos afectaos por obras públicas).