Na plataforma de contratación del sector públicu ta disponible la información relacionada conas licitaciones publicadas pol Conceyu de Cangas:

ÓRGANU DE CONTRATACIÓN ALCALDÍA DEL CONCEYU DE CANGAS
Accesu a las publicaciones del órganu de contratación de l'Alcaldía del Conceyu de Cangas del Narcea

ÓRGANU DE CONTRATACIÓN PLENU CORPORATIVU DEL CONCEYU  DE CANGAS DEL NARCEA
Accesu a las publicaciones del órganu de contratación del Plenu Corporativu del Conceyu de Cangas del Narcea

Pa consultar CONTRATOS MENORES yá necesario escoyer la opción "Contratu menor" no formulariu de búsqueda de procedimientu antias de calcar el botón "Buscar", dao que la búsqueda, por defectu, ta configurada pa que se muestren tolos procedimientos nun siendo los contratos menores.

Dende esti enl.laz puede accedese a la portada de PLACE

Yía necesario que los operadores económicos (empresas, autónomos, etc.) se rexistren gratis pa poder usar los servicios de PLACE ya poder participar nas licitaciones, recibir actualizaciones de licitaciones, suscribise a licitaciones, etc.
En rexistrándose, pueden descargar las guías d'ayuda que van facilita-ys l'usu de la Plataforma de Contratación del Sector Públicu. La versión d'estas guías a fecha 19/09/2018 puede descargase dende los enl.laces siguientes en formatu pdf:

• Guía de navegación de la Plataforma de Contratación del Sector Públicu (794 Kb)
• Guía d'usu de la Plataforma de Contratación del Sector Públicu pa Empresas (Guía del Operador Económicu) (3,1 Mb)
• Guía de los servicios de licitación electrónica pa empresas (4,7 Mb)  

CERTIFICÁU ELECTRÓNICU

L'usu del certificáu dixital vei ser necesariu pa poder participar nas licitaciones. Existen entidades públicas ya privadas diferientes al traviés de las qu'acceder a él.

La Fábrica Nacional de Moneda ya Timbre, FNMT-RCM, al traviés del sou departamentu CERES (CERtificación ESpañola), oufrez los certificaos electrónicos reconocíos pol Conceyu Cangas ya la mayoría de las alministraciones públicas, el certificáu FNMT Clase 2 CA, el certificáu AC FNMT Usuarios ya'l certificáu AC de Representación.

Dende esti enl.laz puede accedese pa extraer más información ou empicipiar la solicitú

FACTURA ELECTRÓNICA

Dende esti enl.laz vei poder atopar dalgunas de las soluciones existentes n'actualidá.  
Dende la web FACTURA·E, puede accedese a tola información relacionada con esti formatu ya descargar una aplicación d'escritoriu de baldre que vei permitir xenerar facturas electrónicas nesti formatu.
Dende aiquí puede acceder a la web de FACTURA·E

Pa completar l'apartáu FACe correspondiente al Conceyu de Cangas del Narcea cumo receptor de facturas ha indicar los datos siguientes:

• Oficina contable: L01330117 INTERVENCIÓN
• Órganu xestor: L01330117 ALCALDÍA
• Unidá tramitadora: L01330117 INTERVENCIÓN
• NIF asociáu: P3301100H

FACE

FACe yá'l Puntu Xeneral d'Entrada de Facturas Electrónicas. Ha usase pa mandar las facturas electrónicas al Conceyu. Las facturas  han tar en formatu Facturae ya han ser dunviadas ya firmadas con certificáu dixital.  
Dende FACe tamién van poder consultar l'estáu de las facturas dunviadas al Conceyu, xenerar xustificantes, comparar la orixinalidá de los xustificantes cono códigu seguru de verificación (CSV), etc. 

Dende esti enl.laz puede accedese a la web de FACe

ROLECE

El Rexistru Oficial de Licitadores ya Empresas Clasificadas del Estáu créase en cumplimientu de lo dispuesto nos artículos 326 a 332 del textu refundíu de la Lei de Contratos del Sector Públicu, aprobáu pol Real Decretu Lexislativu 3/2011, de 14 de los santos.
Los empresarios pueden inscribir nél los datos de personalidá ya capacidá d'obrar, autorizaciones ya habilitaciones, solvencia ya clasificación empresarial a los que se refier l'artículu 328 de la lei ya los sous certificaos van acreditar frente a tódolos órganos de contratación del sector públicu, a tenor de lo nel.los reflectáu ya nun siendo que se pruebe lo contrario, las condiciones d'aptitú del empresariu  en cuanto a la súa personalidá ya capacidá d'obrar, representación, habilitación profesional ou empresarial, solvencia económica ya financiera ya clasificación, amás de la concurrencia ou non concurrencia de las prohibiciones de contratar qu'hayan constar no mesmu.
El rexistru tien carácter electrónicu ya tanto las solicitudes d'inscripción cumo las certificaciones tramítanse de manera telemática.  
P'acceder al Rexistru Oficial de Licitadores ya Empresas Clasificadas del Estáu yá necesario identificase con certificáu dixital. 

Dende l'enl.laz siguiente puede accedese a ROLECE