El Conceyu de Cangas del Narcea, la Obra Social de La Caixa ya la Ópera d'Uvieo convídante a participar no Proxectu Territoriu.

¿Qué ía Proxectu Territoriu?

Ía una iniciativa pa que'l vecindariu del conceyu de Cangas del Narcea pueda disfrutar de la ópera no Teatru Campoamor, concretamente d'una de las obras de Verdi más conecidas "Un ballo in maschera".

"Proxectu Territoriu" naz cona intención de que personas que tradicionalmente tuvienon barreras xeográficas ou económicas puedan vivir la experiencia ya la emoción de la ópera no teatru a preciu mui reducíu.

Fecha de la función: miércoles, 20 de los santos de 2019

Preciu de la entrada: 5 euros. *Inclúi: tresporte ida ya vuelta desde Cangas del Narcea ya entrada a la función d'ópera no Teatru Campoamor.

La función empicipia a las 20 h ya tien una duración, pousa incluida, de dúas horas ya 15 minutos. Númaru de plazas disponibles: 50.

Si quies disfrutar d'esta experiencia, inscríbete na CASA LA CULTURA ya tráinos una fotocopia del tou DNI. Alcuérdate de qu'hai plazas limitadas ya que, cuanto antias t'inscribas, antias veis consiguir una.  

Desque t'inscribas, si quies resolver dalguna duda ou saber más sobre la ópera que veis ver, puedes asistir a la charla informal abierta a todu'l públicu, que vei fese'l 14 de los santos, a las 19 horas, no TEATRU TORENO. Nel.la, la musicóloga ya divulgadora Miriam Perandones vei contanos cousas de Verdi ya la súa obra.