Esta sumana ábrese'l plazu d'inscripción del programa "Tiempu Propiu".

Ta dirixíu a tódalas muyeres mayores de 50 años que quieran dedicar un tiempu de la súa vida a cudiase, deprender cousas nuevas ya comunicase con outras muyeres de la súa edá.

Esti programa yá gratis dafeitu pa las alumnas, porque ta financiáu na súa totalidá cono presupuestu de la Conceyalía de la Muyer del Conceyu de Cangas.
     
 Van poder asistir tódalas muyeres que participaran nos cursos anteriores, porque esti programa funciona dende hai 12 años, anque hai una reserva de plazas pa muyeres que quieran matriculase por primer vez.  
     
 Nesti cursu van facese seis talleres, una salida cultural, una xanta d'alcuentru n'outru conceyu ya'l piel.le del programa n'acabando los talleres.    
     
 Amás, las alumnas del programa van tener la posibilidá de participar en tódalas actividades que s'organicen dende l'Axencia d'Igualdá, porque van tar convidadas tol añu a estas actividades de participación social.     

Los talleres pa esti cursu son los siguientes:

• Taller de Yoga: exercicios de flexibilidá, relaxación ya exercicios pa reforzar abdome ya espalda.
• Taller de capacitación pal emponderamientu ya la bona vida. Deprendiendo a avieyar.
• Talleres d'Internet. Nivel inicial ya avanzáu.
• Taller de radio-TV: muyeres con tiempu propiu nas ondas.
• Taller de movimientu saludable.  

Yá necesario facer la matrícula agora pa poder participar nestos talleres. Tódalas muyeres van poder matriculase nos cuatro talleres si lo desean.
 El plazu d'inscripción pa los talleres vei ser del 12 al 27 de setiembre de 2019, n'horariu de 12:00 h a 14:00 h na Axencia d'Igualdá ou por teléfonu 985813812 (Belén).

Imágenes