El Centru d'Empresas d'Oubanca, dependiente del Conceyu de Cangas del Narcea, ufierta no Polígonu d'Oubanca un serviciu dirixíu al apoyu de la iniciativa empresarial de la zona, poniendo a disposición de las empresas qu'asina lo soliciten espacios en renta p'agospiase.  

El periodu máximu d'estancia d'una empresa no centru yía de cinco años ya'l preciu de la renta ta bonificáu durante los primeiros años.

Los promotores ou entidades que cumplan conos requisitos d'accesu al centru ya tengan necesidá d'un espaciu físicu pal asitiamientu de la súa empresa pueden solicitar l'accesu a los espacioes presentando la súa solicitú ente'l 25 de mayu ya'l 8 de xunu de 2016.

P'acabar, siñalar que toda persona con una inquietú empresarial inda non definida nuna idea de negociu, puede asitiase durante unos meses de baldre no Viveiru d'Empresas, onde vei poder analizar esa idea cono apoyu tutorizáu de personal técnicu.

Pa más información:
Oficinas del Conceyu
El Paséu (C/Uría), 13 ¿ baxu (33800, Cangas del Narcea , Asturias)
Tfn.: 985.810.560
Corréu electrónicu:  centroempresas@ceobanca.es; centroempresas@ayto-cnarcea.es
Web: www.ceobanca.es