Abiertu'l plazu de presentación de solicitudes pa participar nas pruebas de selección de 4 monitores de tiempu l.libre
Las bases de la convocatoria, asina cumo los anuncios relativos al procesu selectivu colgaránse tanto no Tablón d'Edictos de la Casa Conceyu cumo pa páxina web del conceyu: www.ayto-cnarcea.es ya, más concretamente, na súa sede electrónica.
Pa participar nas pruebas selectivas yía imprescindible, ente outras cousas, cuntar cono títulu de Monitor/a d'Actividades de Tiempu L.libre, expedíu pol Institutu Asturianu de la Mocedá ou pol órganu correspondiente d'outra comunidá autónoma debidamente homologáu.
Las solicitudes han presentase no Rexistru de la Casa Conceyu antias del 8 de xunu del 2016.
N'acabando'l plazu de presentación de solicitudes, publicaráse una lista provisional de personas almitidas/excluidas ya daránse trés días hábiles pa faer las subsanaciones oportunas. Cuando'l plazu de subsanación acabe, publicaráse la lista definitiva de personas almitidas/excluidas ya la fecha, hora ya sitiu de celebración de las pruebas.
El procesu selectivu cuntará con una fase d'oposición ya outra de concursu, que determinarán la contratación de los/as 4 monitores/as de tiempu l.libre.