Pola presente, infórmase a las personas propietarias de viviendas n'edificios de tipoloxía residencial colectiva que, d'alcuerdu cono Decretu 29/2017, de 17 de mayu, pol que se regula l'Informe d'Evaluación de los Edificios no Principáu d'Asturias, los EDIFICIOS DE TIPOLOXÍA RESIDENCIAL VIVIENDA COLECTIVA qu'a fecha de 28 de xunu de 2013 tuvieran una ANTIGÜEDÁ SUPERIOR A 50 AÑOS tienen la obligación de disponer del INFORME D'EVALUACIÓN D'EDIFICIOS antias del día 28 de xunu de 2018 ya d'inscribir el mesmu no Rexistru Xeneral creáu a tal efectu pol Principáu d'Asturias.
Outramiente, féixose'l CENSU D'EDIFICIOS del Conceyu de Cangas del Narcea nel que se rexistra la súa antigüedá ya fecha de la obligación d'efectuar el primer Informe d'Evaluación del Edificiu, que vei poder ser consultáu nas dependencias d'Urbanismu d'esti Conceyu ya na páxina web del mesmu.

Fmo. JOSÉ VÍCTOR RODRÍGUEZ FERNÁNDEZ

• Dende esti enl.laz puede accedese al visor GIS del CENSU D'EDIFICIOS del conceyu de Cangas del Narcea
• Dende esti enl.laz puede descargase la lista con información de dirección ya fecha d'obligación del IEE (pdf. 142kb)

El censu presente considérase a nivel informativu, ensin perxuiciu de las modificaciones posteriores n'aras del cumplimientu de la normativa.  
 
INFORMACIÓN SOBRE PRESENTACIÓN DEL IEE

Haberá presentar, conforme al Art. 16.4 de la Lei 39/2015, de 1 d'outubre, del Procedimientu Alministrativu Común de las Alministraciones Públicas, dirixíu a la Conseyería de Vivienda del Principáu d'Asturias, Informe d'Evaluación de los Edificios, Documentu del IEE feitu ya suscritu por arquitectu/a ou arquitectu/a técnicu/a.   

En cumplimientu del Decretu 29/2017, de 17 de mayu, pol que se regula l'Informe d'Evaluación de los Edificios ya se crea'l Rexistru Xeneral d'Informes d'Evaluación de los Edificios del Principáu d'Asturias.  

Artículu 15.- Inscripción del Informe no Rexistru.

1. En fiendo l'informe, las comunidades de propietarias/os, las agrupaciones de comunidades de propietarias/os, las/los propietarias/os únicas/os d'edificios ou las/los súas/sous representantes legales habrán solicitar la súa inscripción no Rexistru no plazu máximu d'un mes dende la fecha na que tea suscritu. Si no informe se describe la existencia d'un peligru inminente, esti plazu vei reducise a díaz días hábiles.

2. El plazu máximu pa inscribir l'informe no rexistru vei ser de dous meses, cuntaos a partir de la presentación de la solicitú debidamente cumplimentada ya acompañando la documentación preceptiva.  

El requerimientu pa subsanar la solicitú vei suponer la suspensión del plazu pa la inscripción pol tiempu qu'haiga ente la súa notificación efectiva ya'l cumplimientu por parte de la persona interesada ou, no sou defectu, durante'l plazu concedíu.  

En pasando'l plazu máximu pa proceder a la inscripción ensin qu'exista una notificación expresa al solicitante, entenderáse aceptada la solicitú ya producida la inscripción.

3. La inscripción no Rexistru nun vei suponer, en niún casu, la conformidá de l'Alministración cono conteníu del informe, pudiendo esti ser comprobáu posteriormente mediante control ou inspección.

4. Cualquier informe ha ser rexistráu con independencia de que se faiga con carácter obligatoriu ou voluntariu, incluíos los que se fagan por prescripción del Conceyu Cangas ya nun sean obligatorios pal decretu presente