El 6 de mayu, la primer edición del Spain Classic Rally, la prueba de vehículos clásicos más l.larga d'Europa, para en Cangas del Narcea.

Ocho días, ocho etapas, más de 3.500 km de recorríu, naturaleza, cultura, tusimu, compañerismu ya diversión nuna prueba que, nesta edición, recorrerá Asturias ya parará en Cangas del Narcea.

Del 5 al 12 de mayu la caravana de coches clásicos del I Spain Classic Rally vei cruzar España ya las personas participantes van tener qu'esforzase pa mantener exactamente la media de velocidá marcada pola organización en cada tramu cronometráu. Aparte d'esti condicionante, las personas que participen nel eventu, tendrán tamién una oportunidá única pa disfrutar del entornu ya de la variedá de paisaxes qu'ofrez la nuesa xeografía.

El rally empicipia'l día 5 de mayu en Santander ya acaba'l día 12 en Madrí, pero, pa chegar a la capital, vei pasar pol noroeste, baxar pol oeste ya cruzar el Mediterráneo antias de poner rumbu definitivu a la zona centru. Las etapas tienen salida en Santander, Uvieo, Ponferrada, Ciudad Rodrigo, Trujillo, Cazorla, Moraira (Álacant) ya Cuenca ya chegan a Madrí, onde ta la meta, el sábadu 12. Eil.lí, disfrutarán de la cena de despidida ya de la entrega de trofeos tradicional.
Amás de nos puntos mencionaos, el rally vei pasar por sitios tan interesantes cumo Cangues, Cangas, Los Arribes del Duero, Béjar, Almadén, Virgen de la Cabeza, Bailén, Hellín, El Cabo de la Nao ou Requena.

Unu de los atractivos de las pruebas de regularidá yá que permiten axuntar nuna mesma competición modelos mui diferientes ya variaos, cumo los Renault 4 ou los SEAT 127, que van compartir asfaltu con vehículos más exclusivos, cumo los Volkswagen Karmann Guía, los Aston Martin V8, los Datsun 260Z, los Volvo P1800, los Triumph TR6, los Saab 900, los Lancia Fulvia, los BMW M3, los Porsche 911 ou los Autobianchi A-112 A barth. Toda una oportunidá pa disfrutar viendo una representación variada de coches clásicos al sou pasu por l.lugares diferientes nos reagrupamientos, salidas ya chegadas.

Menos de quince días pa qu'empicipie una prueba de ocho  días na que disfrutar de la conducción, los coches clásicos, el turismu ya l'espíritu de competición dientro d'un entornu seguru, con muito bon ambiente ya muitu compañerismu.

La conceyala de Turismu, Begoña Cueto, agradez a Spain Classic Rally la oportunidá que nos brinda de visibilizar Cangas ya tol sou ricu patrimoniu natural, cultural ya hasta gastronómicu ya anima a las personas participantes a perdese nesti paraísu de nueso.

Pa más información www.spainclassicrally.com ya www.facebook.com/spainclassicrally.