Cangas del Narcea, 30 de marzu de 2021. El telón del Teatru Toreno vei volver a abrise'l 19 d'abril, a las 19:30 horas, coincidiendo cona inauguración de la XIX Sumana del Teatru de Cangas del Narcea. Vei fadelo cona obra Corín Tellado, el espectáculo, que vei representar Jaleo Producciones, nel.la, representaráse la vida de la escritora franquina, que publicóu sobre 4 000 títulos ya vendíu  más de 400 millones de novelas románticas en todu'l mundu. La sumana cuntará tamién conos espectáculos infantiles El jorobado, de Saltantes Teatro, ya Riquete del Copete, d'Higiénico Papel Teatro, que van representase el martes 20 ya'l xueves 22 d'abril a las 18 horas. Las dúas obras tán teniendo una gran aceptación ente'l públicu más nuevu.  

El miércoles 21 d'abril vei subir a escena'l grupu Teatro Kumen cona obra Burundanga, na qu'una estudiante embaranzada del mozu nun s'atreve a cuntá-ylo. Las dudas invádenla ya nun sabe si quier realmente. Una comedia ou las risas tán aseguradas.

El vienres 23 ciarraráse la XIX Sumana del Teatru cona obra de los amigos de La Líquida Producciones, que vei traer al Toreno la obra Bacanal, humor ya música en directo. Esta compañía ía bien conecida pol públicu cangués, porque actuóu varios anos na Fiesta de la Vendimia de Cangas.

Tódalas obras van ser gratis, igualmente, vei fader falta sacar antias las entradas na Casa la Cultura "Palaciu d'Oumaña", pa dar cumplimientu al protocolu COVID-19, qu'obliga amás a desinfestar las manos a la entrada de los espectáculos ya permanecer no asientu asignáu cona mázcara puesta en todu momentu.