Cangas del Narcea, 5 de setiembre de 2020. La conceyala de Salú Pública, Muyer, Igualdá ya Drechos Sociales de Cangas del Narcea, Carmen López, manifestóu güei pola mañena la súa condena rotunda ya absoluta pa cona agresión sexual sufrida por dúas muyeres en Cangas.

"En Cangas tenemos claro qu'a los agresores vamos tenelos siempre enfrente, porque nun vamos deixar de denunciar situaciones cumo estas nin de fader visible esta lacra", manifestóu la edil responsable del Aria de Muyer, que valoróu mui positivamente l'autu de prisión provisional, comunicada ya ensin fianza, dictáu pola xueza pal agresor presuntu de dous delitos d'agresión sexual. 

"Dende'l Conceyu Cangas mantenemos el nuesu compromisu ya vamos siguir l.luitando pa cambiar esta realidá", declaróu López, qu'ofrecíu a las víctimas el respaldu de los servicios de la Casa Conceyu. La conceyala tamién valoróu positivamente l'actuación feita por parte de la Guardia Civil, que s'encargóu d'identificar rápidamente al agresor presuntu ya detenelu.