Cangas del Narcea, 19 de xunu de 2020. El Conceyu de Cangas del Narcea firmóu un conveniu de colaboración pa 2020 cona Sociedá Deportiva Narcea cono obxectivu de fomentar el fútbol base no conceyu. "Entendemos qu'esta actividá deportiva yía d'interés xeneral ya queremos fomentar la súa práctica ente la mocedá",  dixo l'alcalde, José Víctor Rodríguez, durante la firma del conveniu, a la que fonon el presidente de la S. D. Narcea, César Rodríguez, ya José Antonio Menéndez, coordinador de Deportes del Conceyu Cangas. El rexidor animóu al clube al siguir fiendo esti l.labor tan importante pa los más pequenos, "nun feis namás trabayos deportivos, tamién inculcáis valores", apuntóu Rodríguez.

Esta subvención nominativa de 30.000 euros vei permitir al clube financiar el sou gastu corriente, amás del tresporte, arbitraxe, equipaciones ya material deportivu. La escuela deportiva cunta na actualidá con ocho equipos: prebenxamín, benxamín, vilaxu, infantil, cadete ya mozu, que xuntan a más de 120 mozos del conceyu.