Cangas del Narcea, 2 de santamarina de 2020. El Conceyu de Cangas del Narcea reducíu la súa deuda dende los 9 millones 200 mil euros de 2015 a los 2 millones 700 mil euros qu'había al acabar el 2019, sigún los datos facilitaos pol Ministeriu de Facienda. L'alcalde, José Víctor Rodríguez, considera que dende que'l PSOE chegóu al gobiernu: "ta reduciéndose la deuda cada añu". N'actualidá, la deuda viva del Conceyu yía de 2 millones 500 mil euros: "yá tenemos previsto deixala al mínimo n'acabando la lexislatura". Rodríguez mostróuse mui críticu cona xestión feita durante'l gobiernu del PP, momentu no que la deuda subíu de los 3 millones d'euros no 2011 a los 9 millones doscientos mil no 2015: "son más de seis millones d'euros qu'agora tenemos que reducir nós", criticóu'l rexidor.

Amás, la deuda por habitante reducíuse un 49 % ente los años 2012 ya 2019, pasando de los 430 ¿ por habitante a los 220 ¿ por habitante. "La deuda vei siguir reduciéndose", aseguróu l'alcalde. Rodríguez tamién reclamóu al gobiernu central que permita a los ayuntamientos destinar el remanente de Tesourería a inversiones productivas ya protección social: "p'atender las necesidades del vecindariu n'acabando l'estáu d'alarma", dixo insistiendo en que "el dineiru yía de los/las vecinos/vecinas".