CANGAS Y... ¡ACCIÓN! II - ayto-cangasdelnarcea
CANGAS YA... ¡ACCIÓN! II
Las personas interesadas en participar deberán presentar las fichas d'inscripción correspondientes (una por cada curtiu presentáu al concursu) na Casa la Cultura "Palaciu d'Oumaña" de Cangas ente'l 1 de marzu ya'l 1 d'abril de 2018. Amás, deberán enviar los trabayos cinematográficos correspondientes a la dirección de corréu electrónicu: cangasyaccion@gmail.com.
El requisitu únicu de participación yá nacer ou residir en Cangas no momentu de la inscripción.
Los trés meyores curtios serán premiaos nuna gala programada a tal efectu que se celebrará no Teatru Toreno'l 13 d'abril. Nesti sentíu, al primer premiu corresponderán-y 300 euros ya un troféu, al segundu 200 euros ya un troféu ya al terceiru 100 euros ya un troféu.
Cumo novedá enguano, contaráse cona presencia del cineasta Tom Fernández nun actu que se celebrará'l xueves 12 na Sala d'Actos de la Casa la Cultura. Nel actu, Tom Fernández ofrecerá una charla abierta sobre la materia na que se proxectará, amás, material cinematográficu.
La conceyala de Cultura, Carmen Riesco Combarro, recalca l'éxitu de la edición pasada ya alégrase de mantener una actividá que redunda n'arrequecimientu ya diversificación de la nuesa vida cultural.