BASES DEL CONCURSU D'ANTROIRU DEL CONCEYU CANGAS 2016 ANTROIRU ADULTOS

CÚMO APUNTASE:

• Las personas interesadas en participar deben de facelo en cualisquier local d'hostelería participante hasta'l mesmu día a las 14:00 horas ou directamente en La Plaza la Oliva antias de la salida del desfile.
• Tódolos concursantes han presentase pa recoyer el dorsal de participación polo menos 15 minutos antias de qu'empicipie'l desfile en La Plaza la Oliva.
• Se tienen dalgún soporte con música que quieran usar durante la subida al escenariau tienen qu'entregalu no momentu d'apuntase, deixando constancia del nome del disfraz ya'l númaru de participación.

SALIDA DEL DESFILE: sábadu 6 de febreiru a las 20:00 horas, dende La Plaza la Oliva hasta'l patiu de la Casa Conceyu.  
QUIÉN PUEDE CONCURSAR: pueden participar tódolos públicos. Los menores de 14 años deberán fadelo en grupos acompañaos d'adultos.
CATEGORÍAS: poderá participase tanto en grupu cumo individualmente.

• GRUPU: considérase grupu un mínimu de 5 personas.
•  INDIVIDUAL: menos de 5 personas consideraráse disfraz individual, nun siendo qu'a criteriu del xuráu ou debío al conceptu del disfraz se considere lo contrario, ente outras cousas, porque requiera de menos personaxes, con todo, ha cuntase siempre con un mínimu de trés.

QUÉ SE VALORA: Valoraránse de 0 a 10 puntos los aspectos siguientes:

• Orixinalidá de los disfraces: se son feitos dafeitu polos participantes ou namás parcialmente, amás de se son difíciles de fabricar ou non, siendo penalizaos con 0 puntos nesti apartáu se los disfraces son compraos.
• Númaru de componentes del grupu ya variedá d'edades de los mesmos.  
• Puesta n'escena: forma de desfilar ya defensa del disfraz nel escenariu.
•  Orixinalidá de la idea.

XURÁU: vei tar compuestu por representantes de las entidades siguientes:

• Conceyu de Cangas del Narcea
• Xunta d'Hostelería del Conceyu
• Apesa
• Cofradía del Vinu

Los ganadores van dase a conocer el martes 9 durante'l concursu infantil.

NORMAS DE PARTICIPACIÓN

• Pa que'l concursu se faiga tien d'haber un mínimu de participantes. Nun siendo asina, el premiu vei declarase desiertu.
• Grupos: mínimu 5 grupos.
•  Individuales: mínimu 5 participantes.
• Los grupos que l.lieven vehículos de motor deberán inscribise al menos  trés días antias ya presentar la documentación del vehículu nas dependencias de la Policía del Conceyu.
• La música específica pal desfile de los grupos ha ser aportada polos participantes.
• Los participantes tendrán de siguir en todu momentu las indicaciones de la organización, debiendo colaborar no desenvolvimientu normal del desfile.
• La decisión del xuráu vei ser inapelable.
• El feitu d'inscribise implica l'aceptación de las bases.

ANTROIRU INFANTIL
QUIÉN PUEDE CONCURSAR: tódolos nenos de 0 a 14 años.
INSCRIPCIONES: no patiu de la Casa Conceyu a las 16:30 horas del mesmu día 9.  
PREMIOS: individuales ya pa familias. Tódolos nenos participantes van recibir un batíu de la Central Lechera.  
Van valorase los mesmos aspectos que nel antroiru d'adultos.
Orde de subida al escenariu:

1. Nenos de 0-4 años
2. Nenos de 5 a 9 años
3. Nenos de 10 a 14 años
4. Familias

CONCURSU DE LOCALES
Los locales interesaos en participar  han inscribise anantes na Xunta d'Hostelería del Conceyu.
El xuráu vei poder pasar a valorar el local en cualisquier momentu ente los días 6 ya 9 de febreiru.