CENSU DE GANÁU - ayto-cangasdelnarcea
Back CENSU DE GANÁU
CENSU DE GANÁU
La inscripción no Censu de Ganáu del Conceyu Cangas yá un requisitu indispensable pa tener drechu a permisu de pación nos montes d'utilidá pública pertenecientes al Conceyu de Cangas del Narcea, recoyíos na ordenanza que regula los permisos de pación no Conceyu Cangas que s'axunta cumo anexu. Nesti sentíu, existe un modelu de ficha d'inscripción que ha ser cubierta ya remitida al Conceyu de Cangas del Narcea.
Los plazos a tener en cuenta son los siguientes:
- Inscripción no Censu de Ganáu del Conceyu: 7 -20 de xineiru de 2020
- Exposición pública del Censu de Ganáu del Conceyu: 21 de xineiru- 3 de febreiru 2020
- Periodu d'alegaciones al Censu de Ganáu del Conceyu: 21 de xineiru-5 de febreiru 2020
- PublicaciónCensu de Ganáu del Conceyu Definitivu: 11 de febreiru 2020
SOLICITÚ PERMISU DE PACIÓN
La inscripción no Censu de Ganáu del Conceyu Cangas yá un requisitu indispensable pa tener drechu a permisu de pación nos montes d'utilidá pública pertenecientes al Conceyu de Cangas del Narcea.
Pa solicitar permisos de pación nos MUP 132 Los Acebales, MUP 133 Los Cadavales, MUP 134 Cengadera ya MUP 136 Xinestosa, vei ser necesario cumplimentar el modelu de solicitú existente al efectu, amás de la carta de saniamientu última. Las personas xurídicas van aportar tamién la escritura de constitución de la entidá ya las modificaciones posteriores (si yá aportóu antias esta documentación, nun fai falta volver a aportala, nun siendo qu'experimentara cambios).
Los plazos a tener en cuenta son los siguientes:
- Solicitú de permisu de pación: 12-25 de febreiru de 2020
Recuérdase que l'horariu pa las presentaciones presenciales no Rexistru d'Entrada de Documentos del Conceyu Cangas yía de l.lunes a vienres de 9 a 14 horas. Si usté ta ente las personas obligadas a relacionase cona Alministración de manera electrónica (Art. 14.2 Ley 39/2015 de Procedimientu Alministrativo Común de las Alministraciones Públicas: personas xurídicas, entidades sin personalidá xurídica, profesionales de colexación obligatoria nel exerciciu de la súa actividá profesional, personas que representen a outras supeditadas a esta obligación), la presentación de solicitudes, instancias ya comunicaciones a l'Alministración ha fadese al traviés del rexistru electrónicu, http://sedeelectronica.ayto-cnarcea.es. En casu de que presente la documentación presencialmente, vei requeríse-y que la subsane presentándola de manera electrónica. A estos efectos, consideraráse cumo fecha de presentación la fecha na que fixera la subsanación.
PRESENTACIÓN REPRESENTANTES PA RENOVACIÓN CARGOS XUNTA GANADERA
- Plazu de presentación de representantes de la Xunta Ganadera: 7 -20 de xineiru de 2020
Pa cualquier duda, puede dirixise a las dependencias del Conceyu asitiadas n'El Paséu, 13, baxu, Cangas del Narcea, teléfonu: 985 810 560.