Güei, la Conceyalía de la Muyer cerróu'l sou cursu d'atención domiciliaria ya alimentación familiar. El cursu touvo tantu éxitu que yá se ta preparando la súa parte segunda, demandada yá polas alumnas d'esta primer edición. L'exitu nun yá namás formativu, dalgunas alumnas empiezan a trabayar la sumana qu'entra, polo que tamién contribúi a la inserción laboral.

La conceyala de la Muyer, Carmen López, agradez a las alumnas la implicación grande que mantuvienon durante todu'l cursu ya recalca la importancia d'esti tipu d'iniciativas a la hora de revalorizar ya emponderar las aportaciones valiosísimas de las muyeres a la sociedá, que, necesariamente, pasa pola profesionalización ya capitalización del sou xeitu ya de los sous esfuerzos.