Estas en:

Cofeca publica las bases de sus concursos

COFECA PUBLICA LAS BASES DE LOS SOUS CONCURSOS

Cofeca publica las bases polas que vei guiase la escoyeta del cartel de las fiestas ya'l saluda de los más pequenos.

La Comisión de Fiestas feixo públicas las bases polas que vei guiase la escoyeta del cartel que vei anunciar las fiestas del Carme ya la Madalena 2018. El premiu pal ganador vei ser de 500 euros; amás, el candidatu escoyíu vei ser portada ya cartel anunciador de las fiestas. El tamañu ha ser de DIN A3 ya la técnica l.libre.

Tamién se publican las bases del concursu "El saluda de los más pequenos", dirixíu a nenos ya nenas d'ente 6 ya 12 años. La extensión máxima vei ser d'una cara d'un foliu. L'autor del textu ganador vei l.ler la súa obra no balcón de la Casa Conceyu xunto cono alcalde ya'l pregoneiru/a ya, amás, vei ganar 100 " pa gastar en material escolar ya d'ociu.

Cumo outros años, Cofeca convida a participar no programa de fiestas: "Cualquier persona que tenga documentos antiguos, fotografías ou outru material que quiera publicar no programa de las fiestas, de la mesma manera que las personas que quieran escribir dalgún artículu ou poema, siempre relacionáu conas fiestas, puede fadelo chegar a Cofeca, que vei fader una selección de la documentación recibida" comenta Begoña Cueto, presidenta de la Comisión de Fiestas. "Amás, si dalquién tien dalguna propuesta especial de pregoneiru/a, puede fadela chegar a Cofeca, aportando documentación qu'avale los méritos polos que se lu/la propón".

La Comisión de Fiestas publica tamién las bases pa la contratación del bar de las Fiestas del Carme ya la Madalena. "El preciu de salida yá'l mesmu pol que s'adxudicóu l'añu pasáu, pero cona novedá de qu'estiañu yá un día más, el 14 de santamarina", matiza Cueto.

Tódolos plazos, tanto pa los concursos, cumo pa la presentación de materiales ya ufiertas pal programa ya la contratación del bar, acaban el 14 de mayu a las 14:00 horas.

Las bases ya los modelos de presentación tán disponibles nas Oficinas del Conceyu, asitiadas n'El Paséu/c/Uría, 13 de Cangas del Narcea. Amás, pueden solicitase por email centroempresas@ayto-cnarcea.es ya descargase na web del Conceyu Cangas. desde los siguientes enlaces: